“Görkəmli ictimai-siyasi xadim, yazıçı və həkim” - Nəriman Nərimanov-150

Elm 14:41 24.04.2020 745

Cəfər Cabbarlı adına Respublika Gənclər Kitabxanası Azərbaycan ədəbiyyatının qabaqcıl ideyalarla və demokratik fikirlərlə zənginləşməsində müstəsna xidmətləri olan Nəriman Nərimanovun anadan olmasının 150 illik yubileyi münasibətilə “Görkəmli ictimai-siyasi xadim, yazıçı və həkim” başlığı altında video çarx və virtual sərgi hazırlanıb.

Redaktor.az xəbər verir ki, videoda N. Nərimanovun uşaqlıq, gənçlik və təhsil illəri, ədəbi-publisistik yaradıcılğı və ictimai-siyasi fəaliyyəti, müdrik fikirləri, xatirəsinin əbədi- ləşdirilməsi istiqamətində dövlətin gördüyü işlər, rəsmi sənədlər və fotoqalereya geniş işıqlandırılıb. Nəriman Nərimanovun əsas qayəsini zamanın vacib məsələlərinə toxunaraq maariflənməyə, mədəni yüksəlişə çağırış təşkil edən öz əsərləri və haqqında yazılan kitablardan ibarət virtual sərgidə istifadəçilərə 3 dildə (Azərbaycan, türk və rus), 40 adda kitab təqdim olunur. Tövsiyə olunan hər bir kitabın şəkli, kitab haqqında məlumat, əsərin qısa məzmunu və həmin kitabın yerləşdiyi elektron linklər qeyd olunub. Virtual sərgini tərtib edərkən karantin rejimini nəzərə alaraq ancaq, elektron variantı olan tammətinli kitablar seçilmişdir ki, istifadəçilər üçün əlyetərli olsun.

Nəriman Nərimanovun həyat və fəaliyyətini əks etdirən video çarx və ədəbi-siyasi irsini əks etdirən virtual sərgi Cəfər Cabbarlı adına Respublika Gənclər kitabxanasının

Tofiq Seyidov

Azad Azərbaycan.- 2020.-25 aprel.- S.-7.