İnşa müsabiqəsinin yekun mərhələsinin keçirilməsi barədə

Azərbaycan Respublikası təhsil nazirinin əmri

"Ümummilli lider Heydər Əliyevin anadan olmasının 87-ci ildönümü münasibətilə təhsil müəssisələrində keçiriləcək tədbirlər haqqında" nazirliyin 15 fevral 2010-cu il tarixli, 187 nömrəli əmrinin 3-cü bəndinə uyğun olaraq

ƏMR EDİRƏM:

1. Respublikanın rayon və şəhərlərindən, nazirlik nəzdindəki və özəl ümumtəhsil müəssisələrindən toplanmış məlumatlar əsasında inşa müsabiqəsinin yekun mərhələsi iştirakçılarının adlı siyahısı təsdiq edilsin (1 nömrəli əlavə).

2. İnşa müsabiqəsinin yekun mərhələsi 20 aprel 2010-cu il tarixdə saat 10:00-da Akademik Zərifə Əliyeva adına məktəbdə keçirilsin.

3. Aparatın rəhbəri İ.Pirməmmədov, Kənd rayonları üzrə ümumi təhsil şöbəsi (A.Əhmədov) müsabiqənin yekun mərhələsinin yüksək səviyyədə keçirilməsi ilə bağlı təşkilati məsələləri vaxtında həll etsinlər.

4. Müsabiqə inşalarını yoxlayıb qiymətləndirən və ən yaxşı inşaları toplu şəklində nəşrə hazırlayan işçi qrupunun tərkibi təsdiq olunsun (2 nömrəli əlavə).

5. Aparatın rəhbəri İ.Pirməmmədov, İqtisadiyyat şöbəsi (Ş.Əliyev), Dərslik və nəşriyyat şöbəsi (F.Şahbazlı) ən yaxşı inşaların toplu şəklində nəşr olunması və qaliblərin mükafatlandırılması üçün 5 (beş) gün müddətinə müvafiq təkliflər hazırlayıb rəhbərliyə təqdim etsinlər.

6. İctimaiyyətlə əlaqə şöbəsi (B.Hüseynzadə) əmrin "Azərbaycan müəllimi" qəzetində dərc olunmasını təmin etsin.

7. Əmrin icrasına nəzarəti öz üzərimdə saxlayıram.

Misir MƏRDANOV,

Azərbaycan Respublikasının

təhsil naziri

9 aprel 2010-cu il

Azərbaycan müəllimi.-2010.-16 aprel.-S.2.