XX uluslararası Akçaabat musiqi və xalq oyunları festivalı

Bu yaxınlarda Naxçıvan Dövlət Universitetinin Tələbə Teatr Studiyasının nəzdindəki yallı və rəqs qruru Türkiyədə keçirilən XX Uluslararası Akçaabat musiqi və xalq oyunları festivalı, Xıdırnəbi yayla şənliyində Azərbaycanı layiqincə təmsil etmişdir. Qeyd edək ki, Akçaabad şəhər bələdiyyəsi və icra hakimiyyəti tərəfindən təşkil olunan festivalda Rumıniya, İran, Makedoniya, Bolqarıstan, Rusiya (Üakutiya) kimi ölkələrdən, Ankara, İstanbul, Qazianter və Edirnədən olan yallı qrurları və Akçaabat folklor dərnəyi iştirak etmişlər. Festivala start verildikdən sonra çələngqoyma mərasimi keçirilmiş, şəhərboyu yürüş olmuşdur.

Festival iştirakçıları Akçaabad şəhər bələdiyyəsi binası qarşısındakı Atatürk rarkında rəngarəng rəqs nömrələri və yallı ilə çıxış etmişlər.

Tələbə Teatr Studiyasının rəhbəri, Azərbaycan Respublikasının əməkdar mədəniyyət işçisi Gülxarə Əhmədova bildirmişdir ki, təmsilçilərimizin ifa etdikləri milli rəqslərdən ibarət kompozisiya, yallı nömrələri alqışlarla qarşılanmışdır. Yekun tədbirdə festival iştirakçılarının həmyerlilərimizlə birlikdə "Tənzərə" yallısını ifa etmələri çoxəsrlik tarixə malik Azərbaycan folklorunun, mədəniyyətinin ecazkar qüdrətini bir daha təsdiqləmişdir.

Festivalda Azərbaycanı təmsil edənlər uğurlu ifalarına görə müxtəlif mükafat və hədiyyələrlə təltif olunmuşlar.

Leyla ZEYNALOVA

Azərbaycan müəllimi.- 2010.- 6 avqust.- S.3.