ADU-da almaniyalı
professorla görüş
Azərbaycan Dillər Universitetində Almaniyanın Frayburq Universitetinin professoru Hans Verner-Huneke ilə görüş oldu.
Alman dilinin leksikologiyası və üslubiyyatı kafedrasının
təşkilatçılığı ilə keçirilən görüşdə dosent
Sevinc Rzayeva çıxış edərək
rəhbərlik etdiyi kafedra və onun fəaliyyəti barədə almaniyalı professora geniş məlumat verdi.
Almaniya universitetləri ilə əlaqələrdən danışan
S.Rzayeva Frayburq Universiteti ilə də əməkdaşlıqda
maraqlı olduqlarını
ifadə etdi.
Almaniyalı professor Hans Verner-Huneke
çıxışında çalışdığı Frayburq Universiteti və
onun fəaliyyətinə
toxundu. Almaniyanın
Baden-Vurtemberq əyalətində
yerləşən Frayburq
Universitetinin qədim universitetlərdən biri olduğunu deyən Hans Verner-Huneke bildirdi ki, çalışdığı
ali təhsil
ocağının əsası
1457 -ci ildə qoyulub. İlk dövrlərdə universitetdə
4 fakültə mövcud
idisə, hazırda bunların sayı 11-ə
çatıb.
Frayburq Universitetinin
beynəlxalq əlaqələrindən
danışan Hans Verner-Huneke
ali təhsil
ocağının Amerikanın,
eləcə də Avropanın tanınmış
universitetləri ilə
əməkdaşlıq etdiyini
vurğuladı. Professor bildirdi
ki,
universitet beynəlxalq layihələr və təqaüd proqramları
təqdim edir, DAAD proqramı ilə birlikdə hər il xarici tələbələrin
Almaniyada təhsildə
və kurslarda iştirak edə bilmələri üçün
təqaüd proqramı
hazırlayır. Yalnız tələbələrə
deyil, həmçinin
doktorant və alimlər üçün
də qısa və uzunmüddətli təqaüd proqramları
təqdim edir.
Sonra Alman
dilinin leksikologiyası
və üslubiyyatı
kafedrasının dosenti
Çərkəz Qurbanlı
qarşılıqlı əməkdaşlıq
məsələlərindən danışdı. O, müxtəlif
mövzuları əhatə
edən dissertasiya işlərinin yazılması
və hər iki universitetin işlərin müdafiəsi
prosesində yaxından iştirakının
zəruriliyini vurğuladı.
Alman dilinin tərcüməsi kafedrasının əməkdaşı
Yusif Savalan alman dilində yazdığı şeirlərdən
parçalar söylədi.
Daha sonra Hans Verner-Huneke görüş
iştirakçılarını maraqlandıran sualları cavablandırdı.
Sonda Alman dilinin leksikologiyası və üslubiyyatı kafedrası adından Frayburq
Universitetinin professoruna
hədiyyə təqdim
olundu.
ADU-nun Mətbuat xidməti
Azərbaycan
müəllimi.- 2010.- 3 dekabr.- S.4.