"Elektron məktəb" layihəsi çərçivəsində

videozəng funksiyası tətbiq olunur

Azərbaycan Təhsil Şəbəkəsinin (AzEduNet) rəhbəri Səməd Abbasovun bildirdiyinə görə, "Elektron məktəb" layihəsi çərçivəsində məktəblərə kommunikasiyaları daha effektli şəkildə qurmağa imkan verən videozəng funksiyası tətbiq olunur.

Bu layihə "Azərbaycan Respublikasında təhsil sisteminin informasiyalaşdırılması üzrə Dövlət Proqramı (2008-2012-ci illər)" çərçivəsində Bakı, Sumqayıt və digər şəhərlərin 30 məktəbində reallaşdırılır. Sözügedən layihə çərçivəsində AzEduNet ən qabaqcıl CİSCO texnologiyalarını tətbiq edir. Məktəblər şəbəkəyə fiberoptik kabel ilə qoşulur. Məktəblərdə CİSCO avadanlığı və videozəngli İP - telefoniya sistemi quraşdırılır. AzEduNet bu il tədris prosesində keyfiyyətli videonun (SD/HD/ FullHD) geniş şəkildə istifadəsi üçün şərait yaradacaq videotexnologiyaların pilot tətbiqini planlaşdırır. AzEduNet şəbəkəsi vasitəsilə çoxnöqtəli videokonfransların, interaktiv videokommunikasiyaların və s. keçirilməsi mümkün olacaq.

S.SƏFƏROVA

Azərbaycan müəllimi.- 2010.- 3 dekabr.- S.5.