Azərbaycanın Milli Qəhrəmanları
Mirzəyev Kərəm Ərşad oğlu
1960-cı il
mayın 20-də Qubadlı
rayonunun Xanlıq kəndində anadan olub. Kəndlərindəki orta məktəbi
bitirdikdən sonra
1978-ci ildə Azərbaycan
Dövlət İnşaat
Mühəndisləri İnstitutuna
daxil olub. 1983-cü ildə təhsilini başa çatdıraraq Qubadlıya qayıdıb.
1983-1985-ci illərdə sovet
ordusu sıralarında
Arxangelsk və Murmansk şəhərlərində
hərbi xidmətdə
olub. 1990-cı ildə
Qubadlı Rayon Polis Şöbəsində
sahə müvəkkili
kimi işə qəbul edilib. Sonra gənc polis zabiti DİN-in
göndərişi ilə
Kalininqrad Ali Hüquq Akademiyasında təhsil alıb. Vətənin başının
üstünü qara buludlar alanda o da torpaqlarımızın
erməni işğalçılarından
müdafiəsinə qalxıb.
Kərəm 1991-ci ildə
polis yoldaşları ilə birlikdə düşmənin Gorus rayonunun Şurnuxu kəndində yerləşən
beş strateji postunu sıradan çıxarıb. "Laləzar"
əməliyyatında da
onun böyük xidmətləri olub.
K.Mirzəyev 1992-ci il oktyabrın 1-də
Laçın rayonunun
Mazutlu kəndində gedən şiddətli döyüş meydanında
yoldaşlarını xilas
edərkən özü
qəhrəmancasına həlak
olub.
Ailəli idi. Bir övladı var.
Azərbaycan Respublikası
Prezidentinin 11 may 1993-cü il tarixli 599 nömrəli Fərmanı
ilə Mirzəyev Kərəm Ərşad oğlu ölümündən
sonra Azərbaycanın
Milli Qəhrəmanı
adına layiq görülüb.
Qubadlı rayonunun Xanlıq kəndində dəfn olunub. Xanlıq kənd orta
məktəbi onun adını daşıyır.
Hazırda həmin məktəb
Binəqədi rayonunda
fəaliyyət göstərir.
Mirzəyev Şirin Vəli oğlu
1947-ci il yanvarın 5-də Xankəndi
şəhərində anadan
olub. N.Gəncəvi adına 4 nömrəli
orta məktəbi bitirdikdən sonra ordu sıralarına çağırılıb. Bakıda yerləşən
Daxili Qoşunlar Alayında xidmətini başa çatdırdıqdan
sonra 1967-ci ildə Sankt-Peterburq şəhərində
Ali Siyasi-Hərbi Məktəbə
daxil olub. 1971-ci ildə təhsilini
başa vurduqdan sonra təyinatla İrəvana göndərilib.
Beş il
orada çalışdıqdan
sonra iş yerini Bakıya dəyişib. 1988-ci ildə Moskva Ali Siyasi Akademiyasını bitirib. Öz ərizəsinə əsasən
Qarabağa-döyüş bölgəsinə göndərilən
Şirin 1991-ci il oktyabrın 9-da Ağdam rayon ərazi özünümüdafiə taboruna
komandir təyin edilib. O, qısa müddət ərzində
ətrafına güclü
döyüş kontingenti
toplayıb. Qazançı
kəndinin erməni işğalçılarından azad
edilməsində böyük
rəşadət göstərib.
Nümunəvi xidmətinə görə
dəfələrlə medal və döş nişanları ilə təltif olunub.
Ş.Mirzəyev 1992-ci ildə Qaralar kəndindən geri qayıdarkən minaya düşərək həlak
olub.
Ailəli idi. İki övladı var.
Azərbaycan Respublikası
Prezidentinin 16 sentyabr
1994-cü il tarixli 203 nömrəli Fərmanı ilə polkovnik-leytenant Mirzəyev
Şirin Vəli oğlu ölümündən
sonra Azərbaycanın
Milli Qəhrəmanı
adına layiq görülüb.
Bakıda Şəhidlər xiyabanında
dəfn olunub. Bakının
Nizami rayonunda adına küçə
var. Xidmət etdiyi hərbi hissənin həyətində abidəsi
qoyulub.
Muradov Ruslan Həmid oğlu
1973-cü il iyunun 27-də Mingəçevir
şəhərində anadan
olub. 1990-cı ildə
Mingəçevir şəhər
10 nömrəli orta məktəbi bitirdikdən
sonra
R.Muradov 1992-ci il avqustun 22-də Ağdam rayonunun Gülyataq kəndinin azad olunması uğrunda gedən döyüşdə qəhrəmancasına
həlak olub.
Subay idi.
Azərbaycan Respublikası
Prezidentinin 6 noyabr
1992-ci il tarixli 290 nömrəli Fərmanı ilə Muradov Ruslan Həmid oğlu ölümündən sonra
Azərbaycanın Milli
Qəhrəmanı adına
layiq görülüb.
Mingəçevir şəhərində Şəhidlər
xiyabanında dəfn olunub. Vaxtilə təhsil
aldığı orta məktəb indi onun adını daşıyır. Məktəbdə büstü qoyulub.
Muradov Hikmət Oqtay oğlu
1969-cu il yanvarın 23-də Bakı
şəhərində anadan
olub. 1976-cı ildə paytaxtdakı 190 nömrəli orta məktəbin birinci sinfinə gedib, 1986-cı ildə həmin məktəbi bitirib.
Elə həmin ildə də Krasnokutsk Mülki Aviasiya Məktəbinə daxil olub, 1991-ci ildə məktəbi fərqlənmə
diplomu ilə bitirib. Hikmət sonra Kiyev
Ali Mülki Aviasiya İnstitutunun qiyabi şöbəsinə daxil
olub. O, eyni zamanda Yevlax Hava Yollarında 2-ci pilot kimi fəaliyyətə
başlayib.1991-ci il oktyabrın
29-da Xocalı rayonunun
Xanabad kəndi ərazisində xüsusi tapşırıqla xidməti
borcunu yerinə yetirdiyi vaxt idarə etdiyi AN-2 təyyarəsi erməni işğalçılarının aramsız raket atəşləri nəticəsində
ciddi zədə alıb.
H.Muradov həmin vaxt vəziyyətin gərgin olduğunu görüb təyyarəni və ekipajı təhlükəsiz
yerə çatdırmaq
istəsə də, yenidən düşmən
atəşinə məruz
qalaraq qəhrəmancasına
həlak olub.
Subay idi.
Azərbaycan Respublikası
Prezidentinin 25 noyabr
1992-ci il tarixli 337 nömrəli Fərmanı ilə Muradov Hikmət Oqtay oğlu ölümündən sonra
Azərbaycanın Milli
Qəhrəmanı adına
layiq görülüb.
Bakıda Şəhidlər xiyabanında
dəfn olunub. Vaxtilə oxuduğu
190 nömrəli orta məktəbdə barelyefi
vurulub.
Murtuzəliyev Sergey Murtuzəli
oğlu
1963-cü il noyabrın 17-də Bakının
Pirallahı qəsəbəsində
anadan olub. Qəsəbələrindəki orta məktəbi
bitirdikdən sonra təyyarəçi olmaq arzusu onu Yeysk
Ali Hərbi Aviasiya məktəbinə aparıb.
Sergey burada təhsilini
başa çatdırdıqdan
sonra bir müddət Rusiyada işləyib, daha sonra Azərbaycana qayıdaraq Kürdəmirdəki
Hərbi Aviasiya alayında xidmət etməyə başlayıb.
O, polkovnik-leytenant rütbəsinə
kimi yüksəlib. Qarabağa - cəbhə bölgəsinə
ilk uçuş edən
təyyarəçilərdən biri Sergey olub. Onun idarə etdiyi təyyarə erməni yaraqlıları tərəfindən
iki dəfə vurulmasına baxmayaraq, o, dəfələrlə cəbhə
bölgəsinə uçuşlar
edərək əhalinin
təhlükəsiz yerlərə
köçürülməsində böyük şücaət
göstərib.
S.Murtuzəliyev 1993-cü il avqustun 30-da təlim uçuşu zamanı qəzaya uğrayaraq həlak olub.
Ailəli idi. İki övladı var.
Azərbaycan Respublikası
Prezidentinin 16 sentyabr
1994-cü il tarixli 202 nömrəli Fərmanı ilə polkovnik-leytenant Murtuzəliyev
Sergey Murtuzəli oğlu
ölümündən sonra
Azərbaycanın Milli
Qəhrəmanı adına
layiq görülüb.
Sergey Dərbənd
şəhərinin Darğuş
kəndində dəfn
olunub. Kürdəmir Hərbi Aviasiya
alayında büstü
qoyulub.
Milli Qəhrəmanlar
Beynəlxalq İnformasiya
Mərkəzinin materialları
əsasında
hazırladı: Ədalət
DAŞDƏMİRLİ
Azərbaycan
müəllimi.- 2010.- 24 dekabr.- S.22.