Şagirdlər kompüter biliklərinə həvəslə yiyələnirlər

Orta ümumtəhsil məktəblərində İKT-nin tətbiqi genişlənərək şagirdlərdə informasiyalaşmış cəmiyyətin tələblərinə uyğun zəruri məlumatlarla işləmə bacarıqları və kompüterdən istifadə vərdişləri xeyli artmışdır.

Bakıdakı 9 nömrəli orta məktəbin direktoru Zinyət Əhmədova bildirdi ki, təhsil ocağında informatika kabineti yaradılıb. Tədris zamanı şagirdlərdə ətraf aləmin informasiya baxımından təhlil və qərar qəbul etmək bacarıqlarının formalaşdırılması, onların informasiya texnologiyalarından istifadəyə hazırlanması tam təmin olunur.

Tədris ilinin ilk günündən I və IV siniflərdə dərs deyən informatika müəllimləri Gülnurə Əhmədova və Elnarə Məmmədova şagirdlərdə bu fənnə qarşı böyük həvəs yaradıblar. Şagirdlərdən Xalidə, Rüstəm, Tofiq və başqaları kompüterlə sərbəst davranır, sadə əməliyyatları icra edir və İKT-nin sirlərinə həvəslə yiyələnirlər.

Şakir CƏFƏROV

Azərbaycan müəllimi.- 2010.- 31 dekabr.- S.21.