Şagirdlər İKT biliklərinə yiyələnirlər

Bakıdakı 103 nömrəli orta məktəbdə iki kompüter otağı yaradılmış və bu kompüter otaqlarında I sinif şagirdləri ilk gündən informatika fənni üzrə kompüter biliklərinə dərindən yiyələnirlər. Məktəbin III və IV siniflərində isə dərslərin hamısı müəllimlər tərəfindən elektron dərsliklərlə keçilir. Bu barədə məlumat verən məktəbin direktoru M.İsmayılova qeyd etdi ki, informatika müəllimlərindən Bəsti İsrafilova, Gülarə İsgəndərova və Anjela Pirməmmədovanın gərgin zəhməti nəticəsində şagirdlər kompüterdə artıq informasiyaları qavrayır, təsvir edir və informasiya daşıyıcıları ilə müstəqil işləyirlər.

250 nömrəli orta məktəb cari tədris ilindən İnternet saytına qoşulub. Məktəbin direktoru N.Adıgözəlov bildirdi ki, informatika müəllimlərindən Vəfa Məmmədova, Nailə Qasımova və Şükufə Məmmədova dərslərdə ingilis dilində olan disklərdən istifadə etməklə şagirdlərdə bu fənnə qarşı böyük maraq yaradıblar. Nəticədə şagirdlər İKT-dən istifadə etmək bacarığına həvəslə yiyələnirlər.

Şakir CƏFƏROV

Azərbaycan müəllimi.-2010.-12 fevral.-S.5.