Nazir Bakıdakı
18 nömrəli məktəbdə
yeni kurikulumlarla keçilən dərsləri
yüksək qiymətləndirdi
Fevralın 25-də Bakıdakı M.Müşfiq adına 18 nömrəli orta məktəbdə ibtidai siniflərdə kurikulumların
tətbiqi ilə əlaqədar
"Açıq qapı"
günü keçirildi.
Tədbirdə Təhsil
Nazirliyinin, Təhsil Problemləri İnstitutunun,
Azərbaycan Müəllimlər
İnstitutunun nümayəndəlri,
bir qrup məktəb direktoru, fənn müəllimləri
və KİV
əməkdaşları iştirak edirdilər. Məktəbin direktoru Vaqif Hüseynov tədbirin əhəmiyyəti
haqqında məlumat verdi. Qonaqlar
məktəbin təlim-tərbiyə
işləri ilə yaxından tanış olduqdan sonra I "A" sinfində Nazirə Hümbətovanın ana dili , I "C" sinfində
Rəna Ağazadənin
riyaziyyat, I
"ç"sinfində Mehriban
Qarayevanın həyat
bilgisi , II "D" sinfində
Mehriban Qocayevanın təsviri incəsənət, I "A"(r.b.)
sinfində Afaq Axundovanın texnologiya və I "B" sinfində
Səbinə
Musazadənin musiqi
dərslərində iştirak
etdilər. Sonra "dəyirmi masa"
arxasında dinlənilən
dərslərin təhlili
oldu. "Açıq
qapı" günündə
təhsil naziri Misir
Mərdanov I "C" sinfində
Rəna Ağazadənin
riyaziyyatdan "Həndəsi
fiqurların qruplaşdırılması"
mövzusundə keçdiyi
"açıq dərs"i
dinlədi. Müzakirələrdə nazir bildirdi
ki, iştirak etdiyim dərs çox yaradıcı oldu və Milli
Kurikulumun tələb
etdiyi standartlar əsasında yüksək
səviyyədə keçdi.
Müəllim dərsdə
əyani vəsaitdən
və digər vasitələrdən lazımınca
istifadə etdi və keçdiyi dərsdə fənlərarası inteqrasiya yaratdı.
"Açıq dərs"dən razılıq edən təhsil naziri Misir Mərdanov onu da əlavə etdi ki, müəllim dərs prosesində şagirdləri qruplarla işlətdi, qruplar arasında düzgün qiymətləndirmə apardı və müasir dərsə verilən digər tələbləri də keyfiyyətlə yerinə yetirə bildi.
Təhsil Nazirliyindən A.Əhmədov, Azərbaycan Müəllimlər İnstitutundan R.Məmmədzadə, Təhsil Problemləri İnstitutundan Y.Kərimov, Bakı Şəhəri üzrə Təhsil İdarəsinin müdiri N.Rzaquliyeva və başqaları da dinlənən dərslər barədə öz fikirlərini söylədilər və müəlimlərin işlərindən razı qaldıqlarını bildirdilər.
Sonda qonaqlar bu cür tədbirlərin təhsil üçün əhəmiyyətli olmasından söz açdılar və məktəbdə kurikulumların tətbiqi istiqamətində aparılan işlərdən razı qaldıqlarını bildirdilər.
Şakir CƏFƏROV
Azərbaycan müəllimi.-2010.-26 fevral.-S.3.