Azərbaycanın Milli
Qəhrəmanları
Əliyev İlham
Müzəffər oğlu
1961-ci il mayın 5-də Gədəbəy rayonunda anadan olmuşdu. 1978-ci ildə orta
məktəbi bitirmiş,
1980-ci ildə hərbi
xidmətə çağırılmışdı.
O, 1982-ci ildə ordu sıralarından tərxis
olunduqdan sonra Gədəbəy rayonunda müxtəlif sahələrdə
çalışmışdı. 1983-cü ildə DİN-nin təyinatı ilə İsmayıllı
Rayon Polis Şöbəsinə işə qəbul edilmişdi. Bir az sonra
isə Gədəbəy
Rayon Polis Şöbəsinin mühafizə bölməsinə
dəyişilmişdi. 1985-cı
ildə İlham
Bryansk Xüsusi Orta Milis Məktəbinə daxil olmuşdu.
1987-ci ildə Gədəbəy
rayonunda sahə müvəkkili, Gəncə
Şəhər Polis Şöbəsində
sahə müfəttişi,
sonra isə cinayət-axtarış bölməsində
əməliyyatçı vəzifəsində
çalışmışdı. Nümunəvi xidmətə
görə " Milis əlaçısı"
döş nişanına
layiq görülmüşdü.
1990-cı il avqustun 19-da o, torpaqlarımızın
erməni işğalçılarından
müdafiəsinə göndərilmişdi.
İ.Əliyev Qazax rayonunun Əskipara kəndində gedən döyüşdə
qəhrəmancasına həlak
olub. "Qırmızı
ulduz" ordeninə layiq görülüb.
Ailəli idi. Bir övladı var.
Azərbaycan Respublikası
Prezidentinin 6 iyun
1992-ci il tarixli 831 nömrəli Fərmanı ilə Əliyev İlham Müzəffər oğlu
ölümündən sonra
Azərbaycanın Milli
Qəhrəmanı adına
layiq görülüb.
Gədəbəy rayonunda dəfn olunub. Gədəbəy rayonundakı orta
məktəblərdən biri
onun adını daşıyır. Məktəbin
önündə büstü
qoyulub.
Əliyev İmamverdı Barat oğlu
1950-ci il
oktyabrın 1-də İmişli
rayonunun Qulubəyli kəndində anadan olmuşdu. 1969-cu ildə Kürdmahmudlu kənd orta məktəbini bitirdikdən sonra 1970-ci ildə hərbi xidmətə çağırılmışdı.
O, 1972-ci ildə ordu sıralarından tərxis
olunduqdan sonra Bakı Şəhər Yasamal
Rayon Polis Şöbəsində sürücü-milis nəfəri
kimi əmək fəaliyyətinə başlamışdı.
1973-77-ci illərdə Bakı
Maliyyə- Kredit Texnikumunda təhsil almış, 1978-ci ildə
isə Bakı Xüsusi Milis Məktəbinin kursantı
olmuşdu. İmamverdi
təhsilini başa çatdırdıqdan sonra
DİN-nin göndərişi
ilə İmişli
Rayon Polis Şöbəsinin mühafizə bölməsində
baş inspektor vəzifəsində çalışmışdı.
1991-ci il noyabrın
15-də Hadrut rayonunun
Şaqax kəndi uğrunda gedən döyüşdə ermənilərin
4 tankını sıradan
çıxaran İ.Əliyev
qəhrəmancasına həlak
olub.
Ailəli idi. İki övladı var.
Azərbaycan Respublikası
Prezidentinin 8 oktyabr
1992-ci il tarixli 264 nömrəli Fərmanı
ilə Əliyev İmamverdı Barat oğlu
ölümündən sonra
Azərbaycanın Milli
Qəhrəmanı adına
layiq görülüb.
İmişli rayonunda
dəfn olunub. Adına İmişli rayonunda küçə
var. Qulubəyli kənd
orta məktəbi onun adını daşıyır. İmişli
Rayon Polis Şöbəsi yerləşən
binanın önündə
büstü qoyulub.
Əliyev Yavər Yaqub oğlu
1956-cı il
iyunun 27-də Bakı
şəhərində anadan
olmuşdu. 235 nömrəli
orta məktəbi bitirdikdən sonra Kremençuq Aviasiya Məktəbinə daxil olmuşdu. Müxtəlif tipli vertolyotların idarə olunmasını dərindən öyrənmiş
Yavər əvvəlcə
Mİ-2, Mİ-4 vertolyotlarına pilot,
sonra isə
Mİ-8 vertolyotuna ikinci
pilot, daha sonra isə komandir təyin edilmişdi.
Y.Əliyev 1992-ci ildə
Suşa şəhərinin
erməni təcavüzkarlarından
müdafiəsi zamanı
həlak olmuş döyüşçülərimizin meyitlərinin oradan çıxarılmasında xüsusi
səy göstərmişdi.
Həmin ilin 14 fevralında MDB hərbi hissələrindən Azərbaycana
bir neçə vertolyotun göndərilməsində
onun xüsusi xidmətləri olmuşdu.
O, dəfələrlə Qarabağa
Mİ-24 vertolyotunda uçuşlar
edərək ermənilərin
mövqelərinə ağır
zərbələr endirmişdi.
Y.Əliyev 1992-ci il
fevralın 29-da təlim-məşq
zamanı vertolyotu qəzaya uğrayaraq həlak olub.
Ailəli idi. İki övladı var.
Azərbaycan Respublikası
Prezidentinin 14 sentyabr
1992-ci il tarixli 204 nömrəli Fərmanı
ilə Əliyev Yavər Yaqub oğlu ölümündən
sonra Azərbaycanın
Milli Qəhrəmanı
adına layiq görülüb.
Bakı şəhərində Şəhidlər
xiyabanında dəfn olunub. Vaxtı ilə təhsil aldığı 235 nömrəli
orta məktəb onun adını daşıyır.
Əliyev Yunis Əsgər
oğlu
1958-ci il
oktyabrın 9-da Goranboy
rayonunun Qızılhacılı
kəndində anadan olmuşdu. 1973-cü ildə
həmin kənddə
səkkizinci sinfi bitirmiş, sonra təhsilini Dəliməmmədli
şəhərindəki 102 nömrəli texniki-peşə
məktəbində davam
etdirmişdi. Yunis
1976-cı ildə ordu
siralarına çağırılmış
və hərbi xidmətini Tacikistanda başa çatdırmışdı.
1992-ci ildə Goranboy rayonunda yaradılmış
ikinci batalyona üzv yazılmışdı.
Erməni quldurlarına
qarşı ilk döyüşü
Ağdərə bölgəsində
olmuşdu. O, 1992-ci il
mayın 4-də Goranboy
rayonunun Tap-Qaraqoyunlu kəndini mühafizə edən Talış kəndində yerləşən
ermənilərin mövqelərini
susdurmaq üçün "Yaltaxıl"
adlı əməliyyat
planı hazırlamışdı.
Həmin əməliyyat
uğurla başa çatmışdı. Bir
gün sonra ermənilərin qəfil hücumu nəticəsində
döyüşçülərimiz əvvəlki mövqelərindən
çəkilməli olmuşdular.
Elə həmin döyüşdə Yunis
erməni gülləsinə
tuş gələrək
qəhrəmancasına həlak
olub. Onun meyiti 43 gündən sonra Talış kəndi azad edildiyi zaman tapılmışdı.
Ailəli idi. İki övladı var.
Azərbaycan Respublikası
Prezidentinin 7 iyun
1992-ci il tarixli 833 nömrəli Fərmanı
ilə Əliyev Yunis Əsgər oğlu ölümündən
sonra Azərbaycanın
Milli Qəhrəmanı
adına layiq görülüb.
Yunis Əliyev
1992-ci il iyunun 16-da doğma Qızılhacılı
kəndində dəfn
olunub. Qızılhacılı
kənd 3 nömrəli
uşaq bağçası
onun adını daşıyır. Goranboy rayonunda büstü qoyulub.
Əliyev Yusif Əliyusif
oğlu
1969-cu il
dekabrın 2-də Bakının
Qobustan qəsəbəsində
anadan olmuşdu. Həmin qəsəbədəki
223 nömrəli orta məktəbi bitirmişdi.
O, 1988-ci ildə ordu sıralarına
çağırılmış, hərbi xidmətini
Sverdlovsk şəhər piyada
qoşun hissəsində
keçmişdi. 1990-cı ildə ordudan tərxis olunaraq Bakıya qayıtmışdı.
Yusifin ilk döyüş
yolu 1991-ci ilin fevralında Goranboydan başlamışdı. Həmin
ərəfədə ermənilər
Buzluq, Mənəşid,
Erkəc kəndlərı
istiqamətlərindən aramsız
hücumlar etmişdilər.
Fevralın 24-də Mənəşid
kəndinə hücum
edən ermənilər
döyüşçülərimizin güclü müqavimətinə
rast gələrək
pərən-pərən düşüblər.
Yusif 1991-ci il sentyabrın 14-də düşmən
qüvvələri Buzlaq
kəndinə hücum
edən zaman əsgərlərimizə döyüş
sursatı çatdırmaq
üçün bütün
var qüvvəsini sərf etmişdi. Bu döyüş, təki Vətən yaşasın,
- deyən Yusif Əliyevin həyatı bahasına başa gəlmişdi. Doğma Azərbaycanın bu cəsur oğlu elə həmin döyüş zamanı yoldaşlarına silah apararkən qəhrəmancasına
həlak olub.
Ailəli idi. Bir övladı var.
Azərbaycan Respublikası
Prezidentinin 6 iyun
1992-ci il tarixli 831 nömrəli Fərmanı
ilə Əliyev Yusif Əliyusif oğlu ölümündən sonra
Azərbaycanın Milli
Qəhrəmanı adına
layiq görülüb.
Ağsu rayonunun
Rəhimli kəndində
dəfn olunub. Qobustan qəsəbəsindəki
195 nömrəli orta məktəb onun adını daşıyır.
Məktəbdə büstü
qoyulub.
Milli Qəhrəmanlar
Beynəlxalq İnformasiya
Mərkəzinin materialları əsasında
hazırladı:
Ədalət DAŞDƏMİRLİ
Azərbaycan müəllimi.- 2010.- 30 iyul.- S.4.