Asiya Universitetləri
Assosiasiyasının XIV beynəlxalq
simpoziumu
Çin Xalq Respublikasının Sias Beynəlxalq Universitetində Asiya Universitetləri Assosiasiyasının
XIV beynəlxalq simpoziumu
keçirilmişdir.
Asiya qitəsinin və
Sakit okean hövzəsinin 26 ölkəsi
beynəlxalq simpoziumda
iştirak etmişdir.
Naxçıvan Dövlət Universiteti
Asiya Universitetlər Assosiasiyasının üzvü
olduğu üçün
universitetin rektoru, akademik İsa Həbibbəyli həmin beynəlxalq simpoziumda Azərbaycan Respublikasını
təmsil etmişdir.
Asiya Universitetləri Assosiasiyasının
prezidenti, professor Umlay
beynəlxalq simpoziumda
"Asiya universitetlərində
beynəlxalq əlaqələr
və innovasiyalar"
mövzusunun müzakirə
ediləcəyini bəyan
etmiş və əsas prinsiplər barədə məlumatlar vermişdir.
Beynəlxalq simpoziumda
ev sahibliyi
vəzifəsini yerinə
yetirən Çin Xalq Respublikasının Sias Beynəlxalq Universitetinin rektoru,
professor Şan Kenin
"Çin universitetlərində
əməkdaşlıq imkanları:
nəticələr və
perspektivlər" mövzusunda
məruzəsi dinlənilmişdir
Naxçıvan Dövlət
Universitetinin rektoru, akademik İsa Həbibbəylinin beynəlxalq
forumda "Universitetlərarası
əlaqələrin yeni
ünvanı: Asiya"
mövzusunda etdiyi məruzə maraqla qarşılanmışdır. Həmçinin Naxçıvan Dövlət
Universiteti ilə Sias Beynəlxalq Universiteti arasında qarşılıqlı əməkdaşlığa
dair protokol imzalanmışdır.
Asiya Universitetlərinin
beynəlxalq simpoziumunda
Çin Xalq Respublikası, Cənubi Koreya, Vyetnam, Malayziya, Filippin, Hindistan, Banqladeş, Sinqapur, Tailand, Laos, Kamboca və başqa ölkələrin
nümayəndələri məruzələrlə
çıxış etmişlər.
Simpoziumda Asiya universitetlərinin qarşılıqlı əlaqələrinə
və birgə əməkdaşlığına dair layihə müzakirə olunmuşdur.
Təşkilatçılar məşhur Çin səddinə və Şanlin məbədgahlarına
səfər təşkil
etmişlər.
Mehriban SULTAN
Azərbaycan müəllimi.- 2010.- 9 iyul.- S.5.