İordaniya Universitetinin əlaçı
tələbələrinə Heydər Əliyev
təqaüdü təqdim
edildi
Azərbaycan Respublikasının
İordaniya Haşimilər
Krallığındakı səfirliyindən
AzərTAc-a bildirmişlər
ki, bu ölkənin
ən qocaman və nüfuzlu ali təhsil
müəssisəsi olan
İordaniya Universitetinin
iki əlaçı tələbəsinə Heydər
Əliyev təqaüdü
təqdim edilmişdir.
Xarici ölkələrin
ali təhsil
müəssisələrinin təhsildə fərqlənmiş
tələbələrinə Heydər Əliyev təqaüdlərinin təqdim
edilməsi müstəqil
Azərbaycan Respublikasının
tarixində ilk dəfə
olaraq həyata keçirilmişdir və
sevindirici haldır ki, bu hadisə
ölkəmizlə dost və
qardaş olan İordaniyada baş vermişdir.
Təqaüdlərin təqdim
edilməsinə həsr
olunmuş və İordaniya Universitetində
təşkil edilmiş
rəsmi mərasimdə
Azərbaycanın bu ölkədəki səfiri
Elman Araslı ümummilli
lider Heydər Əliyevin həyat və fəaliyyəti, zəngin siyasi irsi barədə məlumat vermiş, onun banisi olduğu
siyasi xəttin hazırda Prezident İlham Əliyev tərəfindən uğurla
davam etdirildiyini tədbir iştirakçılarının
diqqətinə çatdırmışdır.
Təqaüdlərin təqdim
edilməsi mərasiminin
15 iyun - Milli Qurtuluş Günü ərəfəsində həyata
keçirildiyini xatırladan
səfir, bunun təsadüfi olmadığını
vurğulamış və
xalqımızın böyük
oğlu Heydər Əliyevin müstəqil Azərbaycanın dövlətçilik
ənənələrinin formalaşdırılmasında
və milli dövlətçiliyin əsaslarının
yaradılaraq möhkəmləndirilməsində
müstəsna rol oynadığını söyləmişdir.
Azərbaycan ilə İordaniya arasındakı əməkdaşlığa
toxunan səfir bu əlaqələrin inkişaf etdiyini, ölkələrimizin münasibətlərinin
dərinləşdirilməsinə və genişləndirilməsinə
Azərbaycan Prezidenti İlham Əliyevin və İordaniya Kralı II Abdullah ibn Hüseynin müstəsna töhfələr verdiklərini
vurğulamışdır.
2007-ci ildə
İordaniyaya səfəri
zamanı Prezident İlham Əliyevin İordaniya Universiteti tərəfindən siyasi elmlər üzrə fəxri doktor adı ilə təltif edilməsini və bu münasibətlə
dövlətimizin başçısının
universiteti ziyarət etməsini xatırladan səfir ümummilli lider Heydər Əliyevin adına
təqaüdlərin məhz
bu təhsil ocağının iki əlaçı tələbəsinə
təqdim edilməsinin
məntiqi olduğunu dilə gətirmişdir.
Sonra səfir universitetin tibb fakültəsinin 2-ci kurs tələbəsi İmad Dikkaya və mühəndislik və texnologiya fakültəsinin 2-ci kurs tələbəsi Dua Suuda təqaüdləri təntənəli şəkildə
təqdim etmiş, onlara uğurlar diləmişdir.
Azərbaycan xalqının ümummilli
lideri Heydər Əliyevin adını daşıyan təqaüdlə
təltif edildiklərinə
görə Azərbaycan
Prezidentinə və hökumətinə minnətdarlıqlarını
ifadə edən tələbələr, bununla
üzərlərinə qoyulan
məsuliyyəti doğruldacaqlarını
bildirmişlər.
Sonra rektor X.Kəraki universitetin tələbələrinin
belə yüksək təltifə layiq görülməsini Azərbaycan
Prezidenti İlham Əliyevin İordaniya Universitetinə qayğısının
təzahürü kimi
qiymətləndirmiş, buna
görə dövlətimizin
başçısına təşəkkürünü
bildirmişdir.
Heydər Əliyev təqaüdlərinin
təqdim edilməsi mərasimi barədə elə həmin gün İordaniyanın
PETRA Milli xəbər
agentliyinin və İordaniya Universitetinin veb-səhifələrində məlumat
yer almış, İordaniya televiziyası ilə reportaj verilmişdir.
Azərbaycan
müəllimi.- 2010.-
18 iyun.- S.1.