Mirzə Ələkbər Sabirin (Məşədi Ələkbər Hacı Zeynalabdin oğlu Tahirzadənin) 150 illik yubileyinin keçirilməsi haqqında

Azərbaycan Respublikası təhsil nazirinin əmri

Azərbaycan Respublikası Prezidentinin "Mirzə Ələkbər Sabirin 150 illik yubileyinin keçirilməsi haqqında" 941 nömrəli 01 iyun 2010-cu il tarixli sərəncamının icrasını təmin etmək məqsədilə

ƏMR EDİRƏM:

1. Böyük Azərbaycan şairi, bədii-ictimai fikir tariximizdə yeni ədəbi məktəbin banisi, görkəmli maarifpərvər Mirzə Ələkbər Sabirin anadan olmasının 150 illik yubileyinin keçirilməsinə dair Təhsil Nazirliyinin tədbirlər planı təsdiq edilsin.

2. Naxçıvan MR təhsil naziri, rayon, şəhər təhsil şöbələrinin, idarələrinin müdirləri, ali, orta ixtisas, texniki peşə təhsili müəssisələrinin rəhbərləri tədbirlər planının icrasını təmin etsinlər və hər il görülmüş işlər haqqında nazirliyə məlumat versinlər.

3. İctimaiyyətlə əlaqə şöbəsi (B.Hüseynzadə) əmrin "Azərbaycan müəllimi" qəzetində dərc olunmasını təmin etsin.

4. Ümumi şöbə (H.Məhərrəmova) əmr və tədbirlər planının çoxaldılıb yerlərə çatdırılmasını təmin etsin.

5. Əmrin icrasına nəzarət nazir müavini E.Qasımova həvalə edilsin.

Misir MƏRDANOV,

Azərbaycan Respublikasının təhsil naziri

24 iyun 2010-cu il

Azərbaycan müəllimi.- 2010.- 25 iyun.- S.2.