Respublika baxış-müsabiqəsinə yekun vuruldu

İyunun 24-də T.İsmayılov adına Uşaq-Gənclər Yaradıcılıq Sarayının Uşaq Rəsm Qalereyasında "Azərbaycanı sev və öyrən" mövzusunda turist-diyarşünaslıq ekspedisiyasının respublika baxış müsabiqəsi keçirildi. Müsabiqəni keçirməkdə məqsəd gənc nəslə doğma diyarı sevdirmək, onlara vətənpərvərlik hissləri aşılamaq, məktəblilər arasında turizm-diyarşünaslıq işini təbliğ etməkdən ibarətdir.

Tədbiri giriş sözü ilə açan Respublika Gənc Turistlər və Diyarşünaslıq Mərkəzinin direktoru Alik Məmmədov məlumat verərək bildirdi ki, müsabiqə 7 bölmə üzrə 2 mərhələdə keçirilmişdir. Bu bölmələr üzrə final mərhələsinə 305-dən çox iş təqdim edilmiş və onlardan 21 nəfəri qalib müəyyən edilmişdir.

Sonra Təhsil Nazirliyinin Tərbiyə və məktəbdənkənar müəssisələrlə iş şöbəsinin müdiri Ağababa İbrahimov çıxış edərək təhsil naziri Misir Mərdanovun salamını və təbrikini qaliblərə çatdırdı. A.İbrahimov belə müsabiqələrin keçirilməsini təqdirəlayiq hal kimi qiymətləndirərək qeyd etdi ki, gənclərimizin Azərbaycanı yaxından tanıması və onun hər bir bölgəsi haqqında ətraflı məlumat əldə etməsi vacib amillərdəndir. Qeyd edildi ki, belə müsabiqələrin gələcəkdə də keçirilməsi qarşıda duran vəzifələrdən biridir.

Müxtəlif nominasiyalar üzrə I, II, III yerləri tutmuş qaliblər Təhsil Nazirliyinin diplom və hədiyyələri ilə mükafatlandırıldılar.

Niyazi RƏHİMOV

Azərbaycan müəllimi.- 2010.- 25 iyun.- S.11.