Görkəmli kinoşünasın
yubileyi qeyd edilib
Martın 5-də Azərbaycan Dövlət Mədəniyyət və İncəsənət Universitetinin Tədris teatrında görkəmli kinoşünas, əməkdar incəsənət xadimi Aydın Kazımzadənin anadan olmasının 70 illik yubileyi təntənəli qeyd edilib.
Tədbiri giriş sözü ilə açan universitetin prorektoru, professor Rafiq Sadıqov yubilyarın həyat və yaradıcılığı haqqında qısa məlumat verib, onu ad günü münasibətilə təbrik edib.
Mərasimdə
çıxış edənlər Aydın Kazımzadənin yüksək insani keyfiyyətindən, zəhmətsevərliyindən danışıblar. Qeyd olunub ki,
o, həyatını
bütünlüklə Azərbaycan kinosu tarixinə, onun dərindən öyrənilməsinə
sərf edib.
Tədbirin bədii hissəsində
tələbələrin, aktyorlar Arif Quliyevin, Qorxmaz Əlilinin,
aşıq Əhliman Şirvanlının və
başqalarının ifaları mərasimin
iştirakçıları tərəfindən maraqla
qarşılanıb.
Tədbirin sonunda
Aydın Kazımzadə çıxış edərək bu
təhsil ocağında yubileyinin təntənəli qeyd
olunmasına görə universitet rəhbərliyinə və
hamıya minnətdarlığını bildirib.
Nizami MİRZƏ
Azərbaycan müəllimi.- 2010.- 12 mart.- S.5.