"Peşə təhsili müəssisələri
üçün Strateji Planlaşdırma üzrə praktiki təlimat
vəsaiti" sənədinin təsdiq olunması barədə
Azərbaycan Respublikası təhsil nazirinin əmri
Azərbaycan
Respublikası Prezidentinin 03 iyul 2007-ci il tarixli 2282 nömrəli
Sərəncamı ilə təsdiq edilmiş "Azərbaycan
Respublikasında texniki peşə təhsilinin inkişafı
üzrə Dövlət Proqramı (2007-2012-ci illər)"nda
nəzərdə tutulmuş texniki peşə təhsilinin
dövlət tənzimlənməsi mexanizmlərinin təkmilləşdirilməsi
üçün Avropa İttifaqı ilə birlikdə həyata
keçirilən "Peşə təhsili və təlimi sahəsində
islahatlar strategiyası və Azərbaycanın
seçilmiş rayonunda pilot icrası" layihə çərçivəsində
"Peşə təhsili müəssisələri
üçün Strateji Planlaşdırma üzrə praktiki təlimat
vəsaiti" sənədinin təsdiq edilməsi məqsədilə
ƏMR EDİRƏM:
1.
İlk peşə-ixtisas təhsilinin dövlət tənzimlənməsi
mexanizmlərinin təkmilləşdirilməsi məqsədilə
hazırlanmış "Peşə təhsili müəssisələri
üçün Strateji Planlaşdırma üzrə praktiki təlimat
vəsaiti" sənədi təsdiq edilsin.
2. Texniki peşə təhsili şöbəsi (N.Məmmədov) və Təhsil Problemləri İnstitutu (A.Mehrabov) təlimati sənədin tələblərinə uyğun olan modul proqramının hazırlanması üzrə seminar və treninqlərin keçirilməsi üçün tədbirlər planı hazırlasınlar.
3. Texniki peşə
təhsili
şöbəsi (N.Məmmədov) və Ümumi şöbənin İnzibati işlər üzrə sektoru
(A.Nəbiyev) "Peşə
təhsili müəssisələri üçün Strateji Planlaşdırma üzrə praktiki təlimat vəsaiti"
sənədinin
ilk peşə-ixtisas təhsili
müəssisələrinə çatdırılmasını təmin etsinlər.
4.
İctimaiyyətlə əlaqə şöbəsinin
müdiri (B.Hüseynzadə) əmrin "Azərbaycan müəllimi"
qəzetində və "Sənətkar" jurnalının
baş redaktoru (Ş.Balakişiyev) jurnalda dərc edilməsini
təşkil etsinlər.
5. Əmrin
icrasına nəzarət nazir müavini İ.İsgəndərova
həvalə edilsin.
Misir MƏRDANOV,
Azərbaycan Respublikasının təhsil
naziri
8 noyabr 2010-cu il
Azərbaycan müəllimi.- 2010.- 12 noyabr.- S.3.