Şair tələbələrin qonağı oldu

 

Azərbaycan Müəllimlər İnstitutunda əməkdar incəsənət xadimi Baba Vəziroğlu ilə görüş keçirildi. Tədbir ulu öndər Heydər Əliyevin xatirəsinə bəstələnmiş "Xalq Heydər söyləyəcək!" mahnısına çəkilmiş klipin nümayişi ilə başlandı. Tədbiri giriş sözü ilə institutun rektoru, professor Aqiyə Naxçıvanlı açaraq nəğməkar şair, nasir, kinodramaturq, əməkdar incəsənət xadimi Baba Vəziroğlunun yaradıcılığı haqqında danışdı.

O, qeyd etdi ki, şair olmaq üçün şübhəsiz ki, fitri istedad eyni zamanda vətənə, xalqa, torpağa bağlılıq, sevgi-məhəbbət lazımdır. Baba Vəziroğlu poeziyası da vətənə, xalqa məhəbbət, gözəllik, saf, təmiz hisslər, nəciblik kimi duyğularla zəngindir.

Baba Vəziroğlunun yüzlərlə şeirinə mahnılar bəstələnib. Bir çox tanınmış bəstəkarlarımız, eləcə unudulmaz Rəşid Behbudovdan, Şövkət Ələkbərovadan bu günə kimi neçə-neçə müğənnilərimiz onun yaradıcılığına dəfələrlə müraciət edir. Onun bəstəkar Kamalla birgə yaratdığı ulu öndərimiz Heydər Əliyevə həsr olunmuş "Xalq  Heydər söyləyəcək!" kimi şah əsəri bütün dünya azərbaycanlıları tərəfindən sevilərək dinlənilir.

İnanırıq ki, qədər Azərbaycan xalqı var, bizim üçün əziz olan bu mahnı daim seviləcək yaşayacaq.

Tədbirdə xalq artisti, "Şöhrət" ordenli, bəstəkar Faiq Sücəddinov xalq artisti   Yalçın Rzazadə, gənc müğənnilərdən Elnur Ayan şair haqqında öz ürək sözlərini söylədilər onun sözlərinə yazılmış mahnılar ifa etdilər.

İnstitutun özfəaliyyət kollektivinin üzvlərindən Könül Hacıyeva, Xəqani Sadıqov Mehriban Şərifova da şairin sözlərinə bəstələnmiş mahnıları ifa edərək tədbir iştirakçılarını salamladılar.  

Çıxış edən tələbələr Baba Vəziroğlu poeziyasını sevə-sevə oxuduqlarını, sözlərinə yazılmış mahnıları heyranlıqla dinlədiklərini bildirdilər onun  şeirlərini söylədilər.

Şair tələbələrin çoxsaylı suallarını səmimiyyətlə qəbul edərək cavablandırdı yeni şeirlərini söylədi. O, bildirdi ki, gənclərlə keçirdiyi hər bir görüş onun həyatında mühüm rol oynayır.  

Tədbirin iştirakçıları belə görüşlərin gənclərin mənəvi tərbiyəsinin formalaşmasında böyük əhəmiyyət kəsb etdiyini bildirdilər bu yüksək səviyyəli, maraqlı, məzmunlu tədbirin təşkili üçün institutun rəhbərliyinə, şəxsən Aqiyə xanıma dərin minnətdarlıqlarını bildirdilər.

 

 

Azərbaycan müəllimi.- 2010.- 19 noyabr.- S.5.