Azərbaycan Təhsil Şəbəkəsinə ölkənin 18 şəhərinin təhsil müəssisələri qoşulublar

Hazırda Azərbaycan Təhsil Şəbəkəsinə (AZEDUNET) ölkənin 18 şəhərinin təhsil müəssisələri qoşulublar. AZEDUNET təşkilatının direktoru Səməd Abbasov bununla əlaqədar bildirdi ki, 300 təhsil müəssisəsi Bakı və Sumqayıt şəhərlərində, qalanları isə Azərbaycanın digər 16 şəhərində yerləşir. Hər bir təhsil müəssisəsində biz ilkin olaraq kompleks hazırlıq işlərini həyata keçiririk. Buna bütün kompüter və proqram təminatının standartlaşdırılması aiddir. Daha sonra məktəbdə bütün kompüter siniflərini, direktorun kabinetini, müəllimlər otağını və kitabxananı birləşdirən lokal şəbəkəni quraşdırır və qoşulmanı təmin edirik. S.Abbasov onu da əlavə etdi ki, 2010-cu ilin sonunadək AZEDUNET-ə daha 500 təhsil müəssisəsi qoşulacaqdır. Bu müəssisələr 50-dən çox şəhər və şəhərətrafı qəsəbəni əhatə edəcək.

Şakir CƏFƏROV

Azərbaycan müəllimi.- 2010.- 1 oktyabr.- S.1.