BSU-da "Elmi əsərlər"in təqdimetmə mərasimi keçirilib

Oktyabrın 12-də Bakı Slavyan Universitetində Belarus Respublikasının ölkəmizdəki səfirliyi və BSU-nun birgə təşkilatçılığı ilə Belarus dili və mədəniyəti mərkəzində BSU və BDPU-nun (Belarus Dövlət Pedaqoji Universiteti) elmi-pedaqoji kollektivlərinin birgə fəaliyyətinin nəticəsi olan "Dil-ədəbiyyat və ictimai-siyasi elmlər" seriyalarının cəmləşdiyi "Elmi əsərlər"in təqdimetmə mərasimi keçirildi.

Mərasimi giriş sözü ilə açan Belarus Respublikasının ölkəmizdəki fövqəladə və səlahiyyətli səfiri N.Y.Patskeviç qeyd etdi ki, Azərbaycanla Belarus arasında bütün sahələr üzrə münasibətlər yüksək səviyyədə inkişaf etmişdir: "Əminəm ki, humanitar sahədə də genişlənən əlaqələrimiz dövlətlərimiz arasında qarşılıqlı dostluq və qardaşlıq münasibətlərinin möhkəmlənməsinə kömək edəcəkdir".

BSU-nun rektolru, AMEA-nın müxbir üzvü, professor Kamal Abdullayev iki ölkə arasında dostluq əlaqələrinin möhkəmləndirilməsində görülən işlərin vacibliyindən danışdı.

Azərbaycan Respublikası Prezidenti yanında Ali Attestasiya Komissiyasının, Azərbaycan - Belarus Dostluq və Əməkdaşlıq Cəmiyyətinin sədri Arif Mehdiyev iki ali məktəbin yaradıcı kollektivini "Elmi əsərlər"in nəşri münasibəti ilə təbrik etdi və birgə görülən işin əhəmiyyətini dəyərləndirdi.

Təqdimetmə mərasimi diskussiya şəraitində başa çatdı.

Şakir CƏFƏROV

Azərbaycan müəllimi.- 2010.- 15 oktyabr.- S.14.