Tədris planlarının hazırlanması metodologiyası mövzusunda təlim

13-16 oktyabr 2010-cu il tarixlərində Almaniyanın dvv international təşkilatı Avropa Komissiyası Almaniyanın İqtisadi Əməkdaşlıq İnkişaf Nazirliyinin (BMZ) dəstəyi ilə həyata keçirdiyi "Qeyri-hökumət Yerli səlahiyyətli qurumlar inkişafda" layihəsi (COPE) çərçivəsində Bakı şəhərində DACUM tədris planlarının hazırlanması metodologiyası mövzusunda təlim keçirib.

Təlimdə Azərbaycan Turizm İnstitutu, Azərbaycan Müəllimlər İnstitutu, Təhsil Problemləri İnstitutu Kənd Təsərrüfatının İqtisadiyyatı Təşkili İnstitutundan 10 nəfər mütəxəssis iştirak edib. İştirakçıların müəyyən edilməsində meyar onların tədris planlarının hazırlanması prosesində mütəxəssis kimi peşəkar təcrübəyə malik olması götürülüb. Təlimi aparmaq üçün dvv international təşkilatı Özbəkistandan DACUM metodologiyası üzrə peşəkar təlimçi-məsləhətçi olan Nodir Rəhimovu dəvət edib.

Təlimin ilk günü dvv international təşkilatının Azərbaycan Respublikasındakı nümayəndəliyinin milli koordinatoru İskəndər Sadiq təşkilatın ölkədə fəaliyyəti layihələri haqqında iştirakçıları ətraflı məlumatlandırdı. COPE layihəsi çərçivəsində həyata keçirilmiş icrası gözlənilən tədbirlər haqqında qısa məlumat verildi. DACUM metodologiyası təliminin əhəmiyyətindən danışılaraq bildirildi ki, bu peşə tədris proqramlarının hazırlanması üzrə bir sıra inkişaf etmiş ölkələrdə tətbiq olunan metodologiyadır. Bu metodun digər metodlarla müqayisədə üstün cəhəti odur ki, peşənin təhlili üçün 25-30 gün deyil, cəmi 2 gün kifayət edir. Daha sonra təlimçi Nodir Rəhimov iştirakçılar arasında interaktiv metod ilə tanışlıq təşkil etdi onların təlimdən gözləntiləri haqqında məlumat aldı. Təlimin ilk günü iştirakçılar "Tədris proqramı", "Tədris planı" "Tədris modulu" terminləri haqqında interaktiv metodlar ilə biliklərini artırdılar. Eyni zamanda iştirakçıların tətbiq etdiyi tədris planları ətrafında müzakirələr təşkil olundu.

Ümumilikdə təlim DACUM tədris seminarının aparılması, peşə inkişafında tendensiya, DACUM cədvəlinin işlənməsi, DACUM metodu ilə SWOT analizinin aparılması, Azərbaycanda dvv international fəaliyyəti çərçivəsində metodun tətbiq olunması perspektivləri və sairə kimi əhəmiyyətli mövzuları əhatə etdi. Bundan başqa, təlim zamanı kənd təsərrüfatı və turizm üzrə tədris proqramlarının təqdimatı keçirildi. Tədbirdə bir strukturlu tədris proqramlarının hazırlanması və icrası kimi mövzulara da toxunuldu. Təlim yekunu olaraq iştirakçılar sertifikatlar aldılar.

 

 

Günel ƏLİYEVA

 

Azərbaycan müəllimi.- 2010.- 22 oktyabr.- S.3.