Azərbaycan Respublikası Təhsil Nazirliyi

Azərbaycan Respublikası Xarici İşlər Nazirliyi

Azərbaycan Respublikası Mədəniyyət və Turizm Nazirliyi

Azərbaycan Respublikası Gənclər və İdman Nazirliyi

Azərbaycan Respublikası Ailə, Qadın və Uşaq Problemləri üzrə Dövlət Komitəsi

QƏRAR

N 1371

Bakı şəhəri, 19.10.2010-cu il

Azərbaycanda akkreditə olunmuş xarici ölkələrin diplomatik nümayəndəliklərinin və beynəlxalq təşkilatların nümayəndəliklərinin əməkdaşlarının uşaqları arasında "Azərbaycan haqqında nə bilirəm" mövzusunda müsabiqənin keçirilməsi haqqında

Ölkəmiz, onun təhsili, mədəniyyəti haqqında Azərbaycanda akkreditə olunmuş xarici ölkələrin diplomatik nümayəndəliklərinin və beynəlxalq təşkilatların nümayəndəliklərinin əməkdaşlarının uşaqlarında daha dolğun təsəvvür yaratmaq, onları ölkəmizin ictimai həyatında fəal iştiraka cəlb etmək məqsədilə

QƏRARA ALIR

1. Azərbaycanda akkreditə olunmuş xarici ölkələrin diplomatik nümayəndəliklərinin və beynəlxalq təşkilatların nümayəndəliklərinin əməkdaşlarının uşaqları arasında "Azərbaycan haqqında nə bilirəm" mövzusunda inşa, şeir, rəsm, rəqs və müxtəlif əl işləri nominasiyaları üzrə müsabiqə keçirilsin.

2. Bu müsabiqə Azərbaycan Respublikası Xarici İşlər Nazirliyi, Təhsil Nazirliyi, Mədəniyyət və Turizm Nazirliyi, Gənclər və İdman Nazirliyi, Ailə, Qadın və Uşaq Problemləri üzrə Dövlət Komitəsinin birgə tədbiri sayılsın.

3. Müsabiqənin təşkili və keçirilməsi üzrə əsasnamə və münsiflər heyətinin tərkibi (əlavə 1, 2) təsdiq edilsin.

4. Müsabiqə ilə bağlı məlumatlar təşkilatçılar tərəfindən kütləvi informasiya vasitələrində müntəzəm işıqlandırılsın.

5. Xarici İşlər Nazirliyi müsabiqə ilə bağlı Azərbaycanda akkreditə olunmuş xarici ölkələrin diplomatik nümayəndəliklərini və beynəlxalq təşkilatların nümayəndəliklərini məlumatlandırsın.

6. Təşkilatçıların hər biri bir nominasiya üzrə I, II və III yerlərin qaliblərinə hədiyyələrin alınmasını təmin etsinlər. İştirakçılara diplomlar və sertifikatlar vahid formada Təhsil Nazirliyi tərəfindən hazırlansın. Digər təşkilatçılar tərəfindən isə hər bir iştirakçıya Azərbaycanla bağlı xatirə hədiyyəsi (suvenir, CD, kitab və s.) verilsin.

7. Qərarın icrasına nəzarət təhsil nazirinin müavini E.Qasımova həvalə edilsin.

Misir MƏRDANOV, Azərbaycan Respublikasının təhsil naziri

Elmar MƏMMƏDYAROV, Azərbaycan Respublikasının xarici işlər naziri

Əbülfəs QARAYEV, Azərbaycan Respublikasının mədəniyyət və turizm naziri

Azad RƏHİMOV, Azərbaycan Respublikası gənclər və idman naziri

Hicran HÜSEYNOVA, Azərbaycan Respublikası Ailə, Qadın və Uşaq Problemləri üzrə Dövlət Komitəsinin sədri

Azərbaycan müəllimi.- 2010.- 29 oktyabr.- S.3.