ATU-da Virtual Layihə - Texnoloji Tədris Mərkəzi açılıb
Oktyabrın 26-da Azərbaycan Texniki Universitetində Virtual Layihə-Texnoloji
Tədris Mərkəzinin
(VLTTM) açılışı oldu.
Tədbirdə təhsil
nazirinin müavini İradə Hüseynova , "Abplanalp Engineerinq AG"
şirkətinin prezidenti Eji Henke və şirkətin Orta Asiya nümayəndəliyinin
rəhbəri Yuri Qizerski,
professor-müəllim heyəti,
tələbələr iştirak
edirdilər.
Tədbirdə universitetin
rektoru, professor Havar Məmmədov qeyd etdi ki, rəhbərlik
etdiyi ali məktəbdə yüksək texnologiyaların
tətbiqi və transferi,texnoloji proseslərin
avtomatlaşdırılmış layihələndirilməsi və
idarə olunması, tələbələrdə unikal vərdişlər
və qabiliyyətlərin formalaşdırılması,
ixtisasartırma və yeni ixtisasalma, elmi nəticələrin kommersiyalaşdırılması və digər əlaqədar fəaliyyətlərin həyata
keçirilməsi məqsədilə müstəqil
VLTTM yaradılıb. VLTTM-ın
bazasında İnternetə
qoşulmuş
"Pentium-IV" markalı kompüterlər, elektron proyektorlar, interaktiv lövhə olan sinif fəaliyyət göstərir.
VLTTM-də maşınqayırma,
texnoloji maşınlar,
avtomatika və kompüter texnikası və digər fakültələrdə təhsilin müxtəlif səviyyələrində rəqəmli proqramla idarə olunan dəzgahlar üçün
idarəedici proqramların
və mexaniki emal texnologiyalarının
CAD/CAM sistemləri əsasında layihələndirilməsi və tətbiqi ilə əlaqədar fənlərin tədrisi və respublikanın maşınqayırma
və cihazqayırma müəssisələrinin
mütəxəssisləri üçün ixtisasartırma,
yeni ixtisasalma və digər əlavə təhsil xidmətlərinin həyata
keçirilməsi nəzərdə
tutulub.
Sonra təhsil
nazirinin müavini İradə Hüseynova ali
məktəblərin qarşısında
duran yüksəkixtisaslı
kadrların hazırlanması
vəzifəsindən danışdı.
Vurğuladı ki, həmin
kadrlar müasir tələblərə cavab
verən yeni texnoloji sistemləri idarə etməyi bacarmalıdırlar. Azərbaycan təhsilinin Avropa təhsil məkanına inteqrasiyası üçün
mütəmadi işlər
görüldüyünü diqqətə çatdıran
nazir müavini Prezident İlham Əliyevin müvafiq sərəncamları ilə təhsil sahəsində həyata keçirilən dövlət proqramlarının əhəmiyyətindən
söz açdı.
Mərasimdə çıxış
edən İsveçrənin
"Abplanalp İngineerinq
AG" şirkətinin prezidenti Eji Henke və şirkətin Orta Asiya nümayəndəliyinin rəhbəri
Yuri Qizerski diqqətə
çatdırdılar ki,
belə dəzgahların ATU-da quraşdırılması gənc
kadrların müasir texnologiyalarla işləməsini
sürətləndirəcək, onların yeni elmi bilikləri daha dərindən öyrənmələrinə təkan
verəcək.
Sonra universitetin kafedra
müdiri, professor Həsən
Hüseynov VLTTM haqqında
iştirakçıları ətraflı məlumatlandırdı və mütəxəssislər tərəfindən
dəzgahlar işə salınıb nümayiş olundu.
Sifai SƏFƏROVA
Azərbaycan müəllimi.- 2010.- 29 oktyabr.- S.2.