Yeni məktəblərimiz

Yevlax rayonu Cırdaxan kənd orta məktəbinin müəllim və şagirdləri yeni dərs ilini yeni məktəb binasında qarşılamışlar. Məktəb müasir tələblərə cavab verən yeni avadanlıqlarla təchiz edilmişdir.

Dövlət vəsaiti hesabına inşa olunmuş ikimərtəbəli, 180 şagird yerlik binada 9 sinif otağı, 2 laboratoriya, müxtəlif fənn kabinetləri, müəllimlər otağı, kompüter otağı, idman zali, müasir kitabxana müəllim və şagirdlərin istifadəsinə verilmişdir. Bütün bunlar möhtərəm Prezidentimiz cənab İlham Əliyevin təhsilə və təhsil işçilərinə göstərdiyi diqqət və qayğının təzahürüdür.

İnşası Azərbaycan Respublikası Təhsil Nazirliyi tərəfindən həyata keçirilmiş bu yeni məktəb binasının açılışı müəllimlərin, şagirdlərin və kənd camaatının sevincinə səbəb olmuşdur.

ƏDALƏT

Azərbaycan müəllimi.- 2010.- 29 oktyabr.- S.1.