ADU-da daha iki ixtisas açılıb

Azərbaycan Dillər Universitetinin İctimaiyyətlə əlaqələr və mətbuat xidmətinin rəhbəri Zeynəb Kazımovadan aldığımız məlumata görə, 2010-2011-ci tədris ilində ADU-nun Avropaşünaslıq və Beynəlxalq münasibətlər fakültəsində iki yeni - qafqazşünaslıq və hindistanşünaslıq ixtisasları açılıb. Artıq yeni tədris ilindən universitetdə həmin ixtisasların öyrədilməsinə başlanılacaq və burada 10 nəfər tələbə qafqazşünaslıq, 10 nəfər tələbə isə hindistanşünaslıq ixtisasları üzrə Boloniya prosesinin tələblərinə uyğun olaraq kredit sistemi üzrə təhsil alacaqdır.

Ali məktəbdə gələcəkdə tələbələrin ölkə daxilində və xaricdə ixtisasartırma kursları və mübadilə proqramında iştirakı da nəzərdə tutulur.

Şakir CƏFƏROV

Azərbaycan müəllimi.- 2010.- 17 sentyabr.- S.5.