Kurikulum mərkəzində "dəyirmi masa"

Azərbaycan Respublikası Təhsil Problemləri İnstitutunun Kurikulum mərkəzində "2008-2009-cu dərs ilində I siniflərdə yeni fənn kurikulumlarının tətbiqi vəziyyəti: nailiyyətlər, problemlər və perspektivlər" mövzusunda "dəyirmi masa" keçirilib. Kurikulum mərkəzinin direktoru, pedaqoji elmlər namizədi , dosent Ənvər Abbasov I siniflərdə kurikulumların tətbiqi vəziyyətindən və vacib olan məsələlərdən danışıb.

Sonra ibtidai təhsilin kurikulumu şöbəsinin müdiri, dosent Bibixanım İbadova mövzu ilə əlaqədar məruzə edib.

Məruzə ətrafında TPİ-nin şöbə müdiri V.Xəlilov, Bakı Şəhəri üzrə Təhsil İdarəsinin metodkabinetinin müdir müavini S.Məmmədova, 20 nömrəli məktəb-liseyin direktor müavini S. Heydərova, 124 nömrəli orta məktəbin sinif müəllimi Ç.Əliyeva və başqaları çıxış edərək fikir və mülahizələrini bildiriblər.

Ş.CƏFƏROV

Azərbaycan müəllimi.-2010.-8 yanvar.-S.8.