Azərbaycan Respublikası Təhsil Nazirliyi

Azərbaycan Təhsil İşçiləri Azad Həmkarlar İttifaqı Respublika Komitəsi

"2010-cu il üçün birgə tədbirlər planının təsdiqi barədə"

Son illərdə ölkəmizdə təhsil islahatlarının geniş vüsət alması, təhsilin inkişafı, intellektual potensialın möhkəmləndirilməsi, müəllim şərəfinin və əməyinin uca tutulması istiqamətində böyük miqyasda işlər həyata keçirilir. Bu sahədə Təhsil Nazirliyinin və Azərbaycan Təhsil İşçiləri Azad Həmkarlar İttifaqı Respublika Komitəsinin birgə fəaliyyətlərinin önəmli xarakter daşıdığını nəzərə alaraq

QƏRARA ALIRIQ:

1. "2010-cu il üçün birgə tədbirlər planı" təsdiq olunsun (əlavə olunur).

2. Tədbirlər planının icrası ilə bağlı məsul şəxslər qarşılıqlı razılaşma əsasında birgə qərarların hazırlanmasını və həyata keçirilməsini təmin etsinlər.

3. Qərar və tədbirlər planı "Azərbaycan müəllimi" və "Təhsil işçisi" qəzetlərində dərc olunsun.

4. Tədbirlər planının icrasına nəzarəti öz üzərimizə götürürük.

Misir MƏRDANOV,

Azərbaycan Respublikasının

təhsil naziri

Səttar MEHBALIYEV,

Azərbaycan Təhsil İşçiləri Azad Həmkarlar

İttifaqı Respublika Komitəsinin sədri

Bakı şəhəri, 18 yanvar 2010-cu il, Qərar N 46

Azərbaycan müəllimi.-2010.-29 yanvar.-S.2.