Tədbirlər planının təsdiqi barədə

Azərbaycan Respublikası təhsil nazirinin əmri

Azərbaycan Respublikası Prezidentinin "Azərbaycan Respublikasında 2011-ci ilin "Turizm ili" elan edilməsi ilə bağlı Tədbirlər Planının təsdiq olunması haqqında" 20 iyul 2011-ci il tarixli, 1644 nömrəli Sərəncamının icrasını təmin etmək məqsədilə

ƏMR EDİRƏM:

1. Azərbaycan Respublikasında 2011-ci ilin "Turizm ili" elan edilməsi ilə bağlı Təhsil Nazirliyinin Tədbirlər Planı təsdiq edilsin (əlavə olunur).

2. Nazirliyin icraya məsul strukturlarının, yerli təhsili idarəetmə orqanlarının, təhsil müəssisələrinin rəhbərləri planda nəzərdə tutulan tədbirlərin icrasını təmin etsinlər və görülmüş işlər barədə 20 dekabr 2011-ci il tarixədək nazirliyin rəhbərliyinə hesabat versinlər.

3. İctimaiyyətlə əlaqə şöbəsi (B.Hüseynzadə) əmri "Azərbaycan müəllimi" qəzetində dərc etdirsin, bu əmri tədbirlər planı ilə birlikdə nazirliyin İnternet səhifəsində yerləşdirsin.

4. Ümumi şöbə (X.Fərəcov) əmr və tədbirlər planının çoxaldılıb yerlərə çatdırılmasını təmin etsin.

5. Əmrin icrasına nəzarət nazir müavini E.Qasımova həvalə edilsin.

Misir MƏRDANOV,

Azərbaycan Respublikasının təhsil naziri

8 avqust 2011-ci il

Azərbaycan müəllimi.- 2011.- 12 avqust.- S.2.