Ölkənin ümumtəhsil məktəblərində "Son zəng" çalındı

Mayın 31-də ölkəmizin bütün ümumtəhsil məktəblərində tədris ilinin başa çatdığını bildirən "Son zəng" çalındı. Tədris ocaqlarında məzunların həyatında əlamətdar hadisəyə çevrilən "Son zəng" tədbirləri keçirildi. Qeyd edək ki, 2010-2011-ci tədris ilində respublikamızın ümumtəhsil məktəblərinin buraxılış siniflərini 101521 şagird bitirir. Bu göstərici ötən ildəkindən (98800 nəfər) 2721 nəfər çoxdur. Qiyabi və axşam ümumtəhsil məktəblərinin XII siniflərini 710 şagird başa vurub ki, bu da ötən ildəki göstəricidən (473 nəfər) xeyli artıqdır. Builki məzunların təxminən dörddə bir hissəsini Bakı məktəblərinin şagirdləri təşkil edirlər. Belə ki, bu il paytaxtın 342 ( o cümlədən 330 dövlət və 12 özəl) əyani ümumtəhsil məktəbinin XI siniflərini 25800 gənc bitirir.

2010-2011-ci tədris ilində ölkə üzrə 120420 şagird I siniflərdə oxumuşdur. Növbəti tədris ilində onların sayının 124274 nəfər olacağı gözlənilir.

Məzunları təbrik edir, onlara gələcək həyatlarında və təhsillərində uğurlar arzulayırıq.

Azərbaycan müəllimi.- 2011.- 3 iyun.- S.1.