"Azəri inciləri"nin festivalda növbəti uğurları
Bakının Nizami rayonundakı Uşaq-Gənclər
Yaradıcılıq Mərkəzinin
"Azəri
inciləri" rəqs kollektivi Türkiyədə keçirilən 23 Nisan
Beynəlxalq Uşaq Festivalında dəfələrlə
iştirak edib. Bu il də mərkəz
Türkiyənin Fəthiyə
şəhərində keçiriləcək
IV Beynəlxalq Uşaq
Festivalında
iştirak etmək
üçün
dəvət almışdı.
Aprel ayında mərkəzin
"Azəri inciləri" rəqs qrupu və "Çiçəyim" uşaq
teatr studiyasının
üzvləri həmin
şəhərdə olublar.
Festivalın açılış
mərasimi böyük
meydanda keçirilib. Minlərlə
tamaşaçının toplaşdığı meydanda 15 ölkənin
nümayəndələri milli geyimlərdə
öz xalqlarının rəqslərini
nümayiş etdiriblər.
"Azəri inciləri" rəqs qrupu maraqlı proqramlarla çıxış
edərək
"İgidlər", "Məzəli rəqs",
"Cəngi", "Qaval"
rəqslərini nümayiş
etdiriblər. Gərgin
keçən yarışmada rəqs qrupu "Ən gözəl performans" nominasiyası üzrə yer qazanıb. Balaca rəqqaslar təşkilat komitəsi tərəfindən
hədiyyələr və fəxri fərmanlarla təltif olunublar.
"Çiçəyim" uşaq
teatr studiyası üzvlərinin hazırladığı "Xeyir və Şər" kompozisiyası da hamıda maraq doğurub. Balaca aktyorlar xeyirin şər üzərində
qələbəsini öz
çıxışlarında məharətlə
nümayiş etdiriblər.
Maraqlı çıxışlarına
görə
teatr studiyasının
üzvlərinə ödül verilib.
Festivalın proqramında ən maraqlı tədbirlərdən
biri isə gənc rəssamlar arasında keçirilən
rəsm müsabiqəsi
olub. Bu müsabiqədə respublikamızı
mərkəzin
rəsm dərnəyinin
üzvü Nicat Məmmədov təmsil edib. "Yaponiya uşaqlarını
necə xoşbəxt
etmək olar" mövzusunda keçirilən
rəsm müsabiqəsində
Nicatın çəkdiyi
rəsm əsəri münsiflər
heyətini heyrətə gətirib və o, 15 ölkənin uşaqları arasında I yeri qazanaraq medal və ödül qazanıb.
Festival iştirakçıları tərəfindən
"Dostluq parkı"nın
salınmasında, ağacəkmə
aksiyasında mərkəzin
uşaqları fəal
iştirak edərək
çoxlu sayda ağac əkiblər. Fəthiyə
şəhərinin tarixi, mədəniyyəti və
incəsənəti ilə yaxından tanış olan "Azəri inciləri" rəqs kollektivi bu festivaldan da Vətənə yüksək
uğur və nailiyyətlərlə qayıdıb.
Sifai SƏFƏROVA
Azərbaycan müəllimi.- 2011.-
20 may.- S.19.