Naxçıvan Özəl Universiteti Beynəlxalq Sokrat mükafatına layiq görülüb

Dekabrın 12-də Böyük Britaniyanın Oksford şəhərində keçiriləcək Oksford Liderlər Sammiti çərçivəsində "İnternational Socrates Award Ceremony" mükafatının təqdimat mərasimi keçiriləcək.

Təqdim ediləcək "İnternational Socrates Award Ceremony" mükafatının laureatları arasında Naxçıvan Özəl Universitetinin rektoru, professor İsmayıl Əliyev də olacaqdır. O, bu mükafata Beynəlxalq Sokrat Komitəsinin qərarı ilə işgüzar fəaliyyətinə görə layiq görülmüşdür.

Bundan başqa, Oksford Liderlər Sammiti çərçivəsində Naxçıvan Özəl Universitetinə də qabaqcıl ali təhsil ocaqları sırasında olduğundan, eləcə də səmərəli fəaliyyətinə görə Avropanın nüfuzlu mükafatlarından olan "UNİTED EUROPE AWARD" orden nişanı təqdim olunacaqdır.

Onu da qeyd edək ki, Azərbaycan Dövlət Rəssamlıq Akademiyasının rektoru Ömər Eldarov da mükafata layiq görülənlər arasındadır.

Nuray ƏSGƏROVA

Azərbaycan müəllimi.- 2011.- 14 oktyabr.- S.7.