Azərbaycan məktəblisi qitə birinciliyinin gümüş medalına sahib oldu

Bolqarıstanın Albena şəhərində 8-18 yaşlı oğlan və qızlar arasında şahmat üzrə Avropa çempionatı başa çatıb. Bu turnirdə ümumilikdə dünyanın 48 ölkəsindən 1039, Azərbaycandan isə 40 gənc şahmatçı iştirak edib. Şahmatçılar arasında 2 beynəlxalq qrossmeyster, 27 beynəlxalq usta, 65 FİDE ustası və 19 FİDE ustalığına namizəd olub.

Həmin mötəbər yarışda Azərbaycan şahmatçısı, 287 nömrəli "Zəkalar" liseyinin şagirdi Abdulla Qədimbəyli qitə birinciliyinin gümüş medalına sahib olub. 10 yaşa qədər oğlanların yarışında FİDE ustası Abdulla və Yunanıstanın nümayəndəsi Yevqenios İoannidis hərəyə 7 xal toplaya biliblər. Azərbaycan şahmatçısı əlavə göstəricilər üzrə II yeri qazanıb.

Sifai SƏFƏROVA

Azərbaycan müəllimi.- 2011.- 30 sentyabr.- S.11.