Uşaqlar sülhə səsləyirlər

Sentyabrın 25-də Bakı SOS Uşaq kəndində Bakcell şirkətinin dəstəyi ilə Beynəlxalq Sülh Gününə həsr edilmiş "Uşaqlar sülhə səsləyir" adlı tədbir keçirilib. Bu barədə SOS Uşaq Kəndləri- Azərbaycan Assosiasiyasının İctimaiyyətlə əlaqələr üzrə mütəxəssisi İlhamiyyə Rzayevadan aldığımız məlumatda bildirilir. Tədbirdə bir qrup istedadlı rəssam təmənnasız olaraq uşaqlarla bərabər SOS kəndindəki evləri əlvan rənglərlə boyayıblar və ərazini uşaqların zövqünü, qonaqlarınsa gözünü oxşayacaq bir məkana çeviriblər.

Sonda münsiflər heyəti ən gözəl boyanmış üç evin sakinlərini mükafatlandırıb. Bundan əlavə, sülh oyunları silsiləsindən mini-futbol üzrə icma komandası ilə yarış keçirilib. Qalib komandaya kubok verilib.

Eyni zamanda burada "Bacarıqlı əllər" dərnəyinin qızları öz əl işlərini sərgiləyiblər. Uşaqlar tətbiqi sənət və idman sahəsində öz bacarıqlarını nümayiş etdiriblər.

Şakir CƏFƏROV

Azərbaycan müəllimi.- 2011.- 30 sentyabr.- S.11.