Məmməd Səid Ordubadinin 140 illik yubileyinin keçirilməsi haqqında

Azərbaycan Respublikası təhsil nazirinin əmri

Azərbaycan Respublikası Prezidentinin "Görkəmli Azərbaycan yazıçısı, şair, dramaturq, publisist və ictimai xadim Məmməd Səid Ordubadinin 140 illik yubileyinin keçirilməsi haqqında" 10 aprel 2012-ci il tarixli, 2150 nömrəli Sərəncamının icrasını təmin etmək məqsədilə

ƏMR EDİRƏM:

1. Məmməd Səid Ordubadinin 140 illik yubileyinin keçirilməsinə dair Azərbaycan Respublikası Təhsil Nazirliyinin tədbirlər planı təsdiq edilsin (əlavə olunur).

2. Ali təhsil müəssisələrinin rəhbərləri tədbirlər planının icrasını təmin etsinlər və görülmüş işlər haqqında məlumatı 25 noyabr 2012-ci il tarixinə qədər Təhsil Nazirliyinə təqdim etsinlər.

3. Təhsil Nazirliyinin Elm (G.Hüseynova) və Ali və orta ixtisas təhsili (İ.Mustafayev) şöbələri əmrdən irəli gələn məsələləri həll etsin.

4. İctimaiyyətlə əlaqə şöbəsi (B.Hüseynzadə) əmrin "Azərbaycan müəllimi" qəzetində dərc olunmasını təmin etsin və tədbirlər planı ilə birlikdə nazirliyin İnternet səhifəsində yerləşdirsin.

5. Ümumi şöbə (X.Fərəcov) əmr və tədbirlər planının çoxaldılıb yerlərə çatdırılmasını təmin etsin.

6. Əmrin icrasına nəzarət nazir müavini Q.Novruzova həvalə olunsun.

Misir MƏRDANOV,

Azərbaycan Respublikasının təhsil naziri

21 may 2012-ci il

Azərbaycan müəllimi.- 2012.- 25 may.- S.2.