Sumqayıt Dövlət Universitetində görüş

Oktyabrın 5-də Sumqayıt Dövlət Universitetində bu ali təhsil ocağının rəhbərliyi ilə Türkiyənin Ağrı İbrahim Çeçen Universitetinin rəhbərliyi arasında görüş keçirildi. Görüşdə iki qardaş ölkə arasındakı isti münasibətlərin təhsil sektorunda da davam etdirildiyi diqqətə çatdırıldı.

Sumqayıt Dövlət Universiteti ilə Ağrı İbrahim Çeçen Universiteti arasında mümkün əməkdaşlıq perspektivlərinin nəzərdən keçirildiyi görüşdə tərəflər arasında əməkdaşlıq protokolu imzalandı. Sumqayıt Dövlət Universitetinin rektoru, professor Nadir Qəhrəmanov və Ağrı İbrahim Çeçen Universitetinin rektoru, professor İrfan Aslan tərəfindən imzalanan protokol iki təhsil ocağı arasında tələbə mübadiləsini, eləcə də elmi araşdırmalar yönündə əməkdaşlığı nəzərdə tutur.

Azərbaycan müəllimi.- 2012.- 12 oktyabr.- S.3.