Doktorantların və gənc tədqiqatçıların
XVI Respublika
elmi konfransının yekunları barədə
Azərbaycan Respublikası
təhsil nazirinin əmri
Azərbaycan
Respublikası Təhsil Nazirliyinin 08 aprel 2011-ci il tarixli, 552 nömrəli əmrinə əsasən
21-22 dekabr tarixlərində Azərbaycan
Müəllimlər İnstitutunun
bazasında Təhsil Nazirliyinin təşkilatçılığı
ilə Doktorantların və gənc tədqiqatçıların
XVI Respublika elmi
konfransı keçirilmişdir.
Konfransın
işinə ümumi rəhbərlik Azərbaycan
Respublikası təhsil nazirinin sədrlik etdiyi Təşkilat Komitəsi,
ayrı-ayrı fənlər üzrə bölmə
iclaslarının aparılması isə görkəmli alimlər
tərəfindən həyata keçirilmişdir.
Doktorantlar və gənc tədqiqatçılar
tərəfindən aparılan elmi
araşdırmaların nəticələrinin müzakirə
edilməsi və nəşri məqsədilə Təhsil Nazirliyinin həyata keçirdiyi
tədbirlər arasında doktorantların və gənc tədqiqatçıların
elmi konfransının xüsusi
yeri vardır. Bunu nəzərə
alaraq, Təhsil Nazirliyi
doktorant və tədqiqatçıların
elmi konfransını müntəzəm olaraq keçirir. Konfransın
materialları Ali Attestasiya
Komissiyası tərəfindən dissertasiyaların əsas elmi nəticələrinin dərc olunması
tövsiyə edilən nəşrlərin siyahısına daxil edilmişdir. Bunu nəzərə
alaraq konfransa təqdim
olunan tezislərə tələblər
ciddiləşdirilmiş, tezislərin həcmi 1 vərəqdən
3 vərəqə qədər artırılmış, mətnin
sonunda istifadə edilən ədəbiyyat siyahısının və iki dildə yazılmış xülasənin
verilməsi zəruri sayılmışdır.
Doktorantların və
gənc tədqiqatçıların XVI Respublika
elmi konfransının Təşkilat Komitəsinə
19 dövlət ali təhsil müəssisəsindən
və AMEA-nın institutlarından 297 məruzə tezisi təqdim olunmuş və
həmin məruzələrin adları konfransın
proqramına daxil edilmişdir.
Proqrama uyğun
olaraq konfransın 19 bölməsində
243 məruzə dinlənilmiş və müzakirə edilmişdir. Təşkilat Komitəsinin qərarına
əsasən konfransda dinlənilmiş və
bölmə sədrləri tərəfindən nəşrə
layiq görülmüş
məruzə tezislərinin konfransın materiallarına daxil edilməsi və nəşri nəzərdə
tutulmuşdur. Konfransda
məruzə ilə çıxış etmiş
tədqiqatçılara Təhsil Nazirliyinin
sertifikatları verilmişdir.
Azərbaycan
Müəllimlər İnstitutunun rəhbərliyi
tərəfindən konfransın keçirilməsi üçün müvafiq
şərait yaradılmış, konfransın proqramı çap edilmiş,
lazımi tədbirlər operativ şəkildə
həyata keçirilmişdir.
Qeyd olunanları nəzərə
alaraq
ƏMR EDİRƏM:
1. Təhsil Nazirliyinin təşkilatçılığı
ilə doktorantlar və gənc tədqiqatçılar
üçün keçirilən respublika elmi
konfranslarının ali təhsil müəssisəsində
gənc alimlərin hazırlanmasına müsbət təsiri qeyd edilsin.
2. Doktorantların və gənc
tədqiqatçıların XVI Respublika elmi konfransının
Azərbaycan Müəllimlər İnstitutunda
keçirilməsi üçün əlverişli
şərait yaradıldığına görə həmin institutun rektoru, professor Aqiyə Naxçıvanlıya təşəkkür
elan edilsin.
3. Konfransın materiallarının
nəşri Azərbaycan Müəllimlər İnstitutunun
rektoruna (A.Naxçıvanlı)
tapşırılsın.
4. Təhsil Nazirliyinin
Elm şöbəsi (G.Hüseynova):
4.1.
Doktorantların və gənc tədqiqatçıların
XVII Respublika elmi
konfransının keçirilməsi barədə təkliflər
hazırlayıb 2012-ci il 5 fevral tarixinə qədər nazirliyin rəhbərliyinə təqdim etsin;
4.2. Əmrin
"Təhsil xəbərləri" məlumat-informasiya məcmuəsində
dərc edilməsini təmin etsin.
5. İctimaiyyətlə əlaqə
şöbəsi (B.Hüseynzadə) əmrin "Azərbaycan
müəllimi" qəzetində
dərc edilməsini və nazirliyin İnternet səhifəsində yerləşdirilməsini
təmin etsin.
6. Əmrin
çoxaldılıb yerlərə
çatdırılması Ümumi
şöbəyə (X.Fərəcov)
tapşırılsın.
7. Əmrin icrasına nəzarəti
öz üzərimə götürürəm.
Misir MƏRDANOV,
Azərbaycan Respublikasının təhsil naziri
23 yanvar 2012-ci il
Azərbaycan
müəllimi.- 2012.- 27 yanvar.- S.2.