Xəzər Universiteti Türkiyənin daha iki universiteti ilə əlaqələr qurdu

Xəzər Universitetinin təsisçisi, Direktorlar və Qəyyumlar Şurasının sədri, professor Hamlet İsaxanlı və universitetin ictimai əlaqələr və media üzrə direktoru Əlövsət Əmirbəyli yanvarın 26-dan fevralın 2-dək Türkiyədə olmuşlar.

Universitetin mətbuat xidmətindən AzərTAc-a bildirmişlər ki, Balıkəsir, Çanaqqala 18 Mart və Uludağ universitetlərinin rəhbərləri ilə keçirilən görüşlərdə H.İsaxanlı Xəzər Universitetinin fəaliyyəti, beynəlxalq əlaqələri və qazandığı uğurlardan danışmışdır.

Görüşlərdə, həmçinin, universitetlər arasında anlaşma protokolları imzalanmışdır.

Xəzər Universitetinin nümayəndələri həmçinin Balıkəsir vilayətinin, Çanaqqala və Bursa şəhərlərinin görməli yerlərini gəzmiş, bir sıra dövlət qurumlarında olmuşlar.

Səfər çərçivəsində H.İsaxanlı və Ə.Əmirbəyli Çanaqqalada yerləşən möhtəşəm "Çanakkale Destanı" xatirə kompleksində Birinci Dünya müharibəsində şəhid olmuş türk və azərbaycanlı əsgərlərin məzarlarını ziyarət etmişlər.

Azərbaycan müəllimi.- 2013.- 8 fevral.- S.2.