ADMİU-nun tələbəsi beynəlxalq

festivalda birinci yerin qalibi olub

Natəvan Dinikayeva 1994-cü ildə Bakıda anadan olub. 2003-cü ildə F.Əmirov adına musiqi məktəbində Y.Xəlilulinanın sinfində fortepiano təhsili alıb. 2010-cu ildə əla qiymətlərlə musiqi məktəbini bitirib və həmin il A.Zeynallı adına Musiqi Kollecinə daxil olub. 2014-cü ildə kolleci bitirib, Azərbaycan Dövlət Mədəniyyət və İncəsənət Universitetinə daxil olub.

ADMİU-nun musiqi sənəti fakültəsinin I kurs tələbəsi Natəvan Dinikayeva "RENAISSANCE FESTIVALS" yaradıcılıq mərkəzinin təşkil etdiyi "Christmas Lights" ("Milad işıqları") adlanan XIV Beynəlxalq festival çərçivəsində keçirilən müsabiqədə "İnstrumental musiqi" nominasiyası üzrə qalib olub. Macarıstan, Ukrayna, İsrail, Çin, Belarus, Rusiya və başqa ölkələrin nümayəndələrinin iştirak etdiyi müsabiqə Macarıstanın Balatonfüred şəhərində baş tutub. İfaçının çıxışı münsiflər heyəti tərəfindən ifaçılıq texnikası, repertuar seçimi və artistizm meyarları üzrə dəyərləndirilib.

Qeyd edək ki, N.Dinikayeva ADMİU-nun musiqi sənəti fakültəsinin instrumental ifaçılıq və dirijorluq kafedrasının baş müəllimi, sənətşünaslıq üzrə fəlsəfə doktoru, pianoçu Səbinə Mehdiyevanın sinfində təhsil alır.

Sifai SƏFƏROVA

Azərbaycan müəllimi.- 2014.- 26 dekabr.- S.7.