Azərbaycan Dillər Universitetinin

Mətbuat xidməti 5 yaşını qeyd edib

Fevralın 21-də Azərbaycan Dillər Universitetində universitetin İctimaiyyətlə əlaqə və mətbuat xidməti şöbəsinin yaranmasının 5 illiyi münasibətilə tədbir keçirilib. Tədbirdə millət vəkilləri, ölkənin tanınmış jurnalistləri, ali təhsil müəssisələrinin və dövlət orqanlarının analoji strukturlarının rəhbərləri iştirak ediblər.

Tədbir ADU-nun Mətbuat xidmətinin 5 illik fəaliyyətindən bəhs edən videoslaydın nümayişi ilə başlayıb. ADU-nun rektoru, Milli Məclisin deputatı, professor Səməd Seyidov giriş sözü söyləyib. İctimaiyyətlə əlaqə və mətbuat xidməti şöbəsinin müdiri Zeynəb Kazımova isə çıxışında yeni çapdan çıxmış "Azərbaycan Dillər Universiteti 2008-2013 (KİV materialları əsasında)" adlı kitab haqqında danışıb. Tədbirdə Azərbaycan Mətbuat Şurasının sədri Əflatun Amaşovun, Azərbaycan Jurnalistlər Birliyinin sədri Elçin Şıxlının, Təhsil Nazirliyinin nümayəndəsi Sevinc Səfərovanın, "İki sahil" qəzetinin baş redaktoru Vüqar Rəhimzadənin təbrikləri səslənib.

Sonda ADU-nun fəaliyyətini geniş işıqlandıran KİV-lər mükafatlandırılıb ki, onların arasında "Azərbaycan müəllimi" qəzeti də olub.

Şakir CƏFƏROV

Azərbaycan müəllimi.- 2014.- 28 fevral.- S.8.