Yeniyetmə rəqqas uğurlarını artırır

 

İncəsənətin bir növü olan rəqqaslıq sənətinə meyil göstərən, gələcəkdə səhnəmizin ulduzu olmaq arzusunda olan Kamran Həsənov  Bakıdakı 272 nömrəli tam orta məktəbin  VII sinfində təhsil  alır. Qeyri- adi istedadı ilə fərqlənən  Kamran 6 yaşından Nizami rayonundakı  Uşaq-Gənclər Yaradıcılıq Mərkəzində millibal rəqsləri  ilə məşğul olur. 

K.Həsənov ilk uğuruna 2009-cu ildə imza atıb. O, məktəbin ictimai işlərində fəal iştirakına görə diplomla mükafatlandırılıb. 2010-cu ildə isə  "Neftçi" İdman- Sağlamlıq Mərkəzinin idman  rəqsləri üzrə açıq birinciliyində II yeri tutduğuna görə  diploma layiq görülüb. Azərbaycan Respublikasının Gənclər və İdman Nazirliyinin  birincilik çempionatı üzrə keçirilən idman rəqsləri "Yunialı 2"-də yeniyetmə rəqqas  II yeri qazanıb. 2011-ci ildə  Gürcüstan Respublikasının  Batumi şəhərində keçirilən bal rəqsləri müsabiqəsində iştirak edən Kamran millidünya xalqlarının rəqslərini  ustalıqla ifa edərək tamaşaçıların alqışlarını qazanıb və birincilik əldə edib. Bakı  Şəhər Gənclər və İdman Baş İdarəsinin təşkilatçılığı ilə bu il fevralın 9-da rəqs idmanı üzrə keçirilən  Bakı şəhər birinciliyində qələbə qazanaraq II yerə layiq görülüb. Hər il Türkiyədə keçirilən  Nisan cocuqlar müsabiqəsində  millibal rəqslərini  ifa edərək öz istedadını nümayiş etdirən yeniyetmə fəxri fərmanlarla vətənə  dönüb. Bir çox müsabiqələrin və festivalların qalibi olan Kamran Heydər Əliyev Fondunun təşkil etdiyi uşaq tədbirlərində də  fəallıq  nümayiş etdirir.   Fondun  uşaqlar üçün "Buta Palace"da keçirdiyi Yeni ilNovruz bayramı şənliklərindəki  bal rəqsləri ilə  tamaşaçılarda xoş ovqat yaradır.

Yeniyetmə rəqqas  bizimlə söhbət zamanı qazandığı uğurlara görə xüsusilə  anası Esmira Həsənovaya, mərkəzin direktoru Lalə Qətiyə, bal rəqsləri dərnəyinin rəhbəri Məryəm Quliyevaya, təhsil aldığı məktəbin müəllimlərinə qəzetimiz vasitəsilə təşəkkür etməyi də unutmadı.

 

Sifai SƏFƏROVA

 

Azərbaycan müəllimi.- 2014.- 14 mart.- S.5.