Ən yaxşı
müəllimlərimiz
Arzu HACIYEVA,
Bakı
Slavyan Universiteti Məktəb-Lisey
Kompleksinin tarix müəllimi
1968-ci ildə Bakı şəhərində
anadan olub. 1993-cü ildə N.Tusi adına Azərbaycan
Dövlət Pedaqoji Universitetinin tarix-dövlət
hüququ fakültəsini
fərqlənmə diplomu
ilə bitirib. AMEA-nın dissertantıdır.
2012-ci ildə "Ən yaxşı müəllim" müsabiqəsinin
qalibi olub. Şagirdləri respublika fənn
olimpiadalarında və
bir çox müsabiqələrdə uğurla
çıxış edirlər.
Təhsil sahəsində həyata
keçirilən islahatlarda
yaxından iştirak edir. Bir çox treninq
və layihələrdə
fəal iştirakına
görə Fəxri diplom və sertifikatlara layiq görülüb.
Leyla
ƏLİYEVA,
Bakı
Slavyan Universiteti Məktəb-Lisey
Kompleksinin biologiya müəllimi
1979-cu ildə Yardımlı
rayonunda anadan olub. 2000-ci ildə
Bakı Dövlət Universitetinin biologiya fakültəsini bitirib.
Həmin
ildən də BSU-nun Məktəb-Lisey Kompleksində
biologiya müəllimi
işləyir. Təhsil islahatı
ilə bağlı keçirilən bir çox treninqlərdə,
vaxtaşırı təkmilləşmə
kurslarında, Təhsil
Nazirliyinin təşkil
etdiyi seminar-treninqlərdə
iştirak edib.
2007-2008-ci illərdə
Strategiya və İnkişaf İnstitutunun
(Gürcüstan, Tbilisi) təşəbbüsü
ilə Azərbaycandilli
məktəblər üçün
orta təhsil kursu üzrə biologiya fənnini əhatə edən dərsliklərin rus dilindən Azərbaycan dilinə tərcüməsi
proqramında iştirak
edərək redaksiya qrupunun üzvü olub. Bir çox treninq
və kursların fəal iştirakçısıdır.
2011-ci ildə "Ən yaxşı müəllim" müsabiqəsinin
qalibi olub.
Gülnar
RƏHİMOVA,
BSU Məktəb-Lisey Kompleksinin
biologiya və
həyati bacarıqlara
əsaslanan təhsil fənləri müəllimi
1974-cü ildə Bakı şəhərində
anadan olub. 1996-cı ildə N.Tusi adına Azərbaycan
Dövlət Pedaqoji Universitetinin kimya-biologiya fakültəsini bitirib. Fəaliyyəti dövründə
bir çox nailiyyətlər əldə
edib. Belə ki, 2010-cu ildə
"Ən yaxşı
müəllim" müsabiqəsinin
qalibi olub. 2013-cü ildə Azərbaycan Respublikası
Prezidentinin sərəncamı
ilə "Tərəqqi"
medalı ilə təltif edilib.
2005-ci ildə "Təhsil
sistemində müasir
yanaşmaların təşəkkülü
ili" çərçivəsində
Bakı Şəhəri
üzrə Təhsil İdarəsi tərəfindən
keçirilən "Pedaqoji
mühazirələr"in şəhər turunda birinci dərəcəli
diploma layiq görülüb.
Hazırda Azərbaycan Respublikası
Təhsil Problemləri
İnstitutunun fəlsəfə
doktoru proqramı üzrə dissertantıdır.
Fəttah
FƏTTAYEV,
Bakı
Slavyan Universiteti Məktəb-Lisey Kompleksi
riyaziyyat və informatika kafedrasının
müdiri
Yardımlı
rayonunda anadan olub. Azərbaycan Dövlət Pedaqoji
Universitetini fərqlənmə
diplomu ilə bitirib. 1998-ci ildə
Bakı Pedaqoji Kadrların İxtisasartırma
və Yenidənhazırlanma
İnstitutunu bitirərək
ikinci ali
təhsilini alıb. 1997-ci ildən Bakı
Slavyan Universitetinin Məktəb-Lisey Kompleksində
riyaziyyat-informatika müəllimi
vəzifəsində işləyir.
Hazırda riyaziyyat və
informatika kafedrasının
müdiridir. 2012-ci ildə keçirilən
"Ən yaxşı
müəllim" müsabiqəsinin
qalibi olub.
Dərsliklərin
qiymətləndirilməsi üzrə
Ekspert Şurasına üzv seçilib. Layihə başa çatana qədər Ekspert Şurasında fəaliyyət
göstərib. 2014-cü
ildə isə Dərsliklərin yazılması
və qiymətləndirilməsi
ilə bağlı
ABŞ-dan dəvət
olunmuş mütəxəssislərin
keçirdikləri treninqlərdə
iştirak edib. Bundan başqa "İnteraktiv təlim metodları",
"İstedadlı şagirdlərlə
iş" kurslarını
müvəffəqiyyətlə başa vurub və müvafiq sertifikatlar alıb. Kompüter bilikləri üzrə Avropa standartlarına uyğun ECDL sertifikatına
layiq görülüb.
Təhsil Problemləri İnstitutunun
doktorantıdır. Yeddi kitab,
40-dan artıq elmi, publisistik məqalənin müəllifidir.
Oktay
HƏSƏNOV,
Bakı
Slavyan Universiteti Məktəb-Lisey
Kompleksinin fizika müəllimi
1959-cu ildə Dərbənd
şəhərində anadan olub. 1981-ci ildə Bakı Dövlət Universitetinin fizika fakültəsini bitirib.
2009-cu ildən Bakı Slavyan Universiteti Məktəb-Lisey Kompleksində
fizika müəllimi vəzifəsində çalışır.
Fizika-riyaziyyat elmləri üzrə
fəlsəfə doktorudur.
Bir çox elmi məqalələrin müəllifidir.
2013-cü ildə keçirilən "Ən
yaxşı müəllim"
müsabiqəsinin qalibi
olub. Nadir torpaq elementlərinin iştirakı
ilə AIVBVI əsasında
alınmış yarımkeçirici
materialların elektrofiziki
xassələrinə dair
elmi-tədqiqat işi
aparır. Bir çox beynəlxalq
seminar, simpozium və konfransların iştirakçısıdır.
Dövri
mətbuatda və elmi jurnallarda bir çox məqaləsi dərc olunub. Bir neçə kitabın
müəllifidir.
Hazırladı: Niyazi RƏHİMOV
Azərbaycan müəllimi.- 2014.- 30 may.- S.8.