İnformatika fənnindən fəal dərs

Fənn: İnformatika.

Standartlar: 3.1.2, 3.2.2, 3.2.6, 3.3.1,

Dərsin mövzusu: Mozaikaların və naxışların qurulması.

Dərsin məqsədi:

* Seçilmiş fraqmenti çoxaltmaq.

* Mozaikanın elemetlərini çəkmək.

* Çəkilmiş elementləri çoxaltmaqla müxtəlif mozaikalar hazırlamaq.

* Naxışlar çəkmək.

Əsas elementlər: Mozaika elementləri, naxışlar.

Dərsin tipi: deduktiv.

İş formaları: qruplarla iş, bütun siniflə iş, çütlərlə iş, fərdi iş.

İş üsulları: modelləşdirmə, "beyin həmləsi", diskussiya, təqdimat kompüterdə iş.

İnteqrasiya: Riyaziyyat - 3.2.2, H-b -4.2.1, 4.2.2, Tex-4.1.1, 4.1.3, Ti-2.2.4, Azərbaycan dili 1.2.2.

Təchizat: mozaikalı şəkillər, naxışları olan əşyalar, proyektor, noutbuk, kompüter otağı.

Proqram təminatı: Point qrafik redaktoru.

Motivasiya.

Müəllim rəngli kağızlardan kəsilmiş şəkilləri lövhədən asır və sinfə belə bir tapmaca ilə müraciət edir:

İlmə-ilmə ilməsi

İlmə xatun düyməsi

Hər kəs bunu bilməsə

Bir "2"-dir cərməsi.

- Bu tapmacanın açması nədir? (xalça).

Xalçaları nə ilə bəzəyirlər? (naxışla).

Müəllim izahat verir.

Naxış - dekorativ-tətbiqi sənətin müxtəlif növlərində (xalçaçılıq, zərgərlik, bədii oyma, metalişləmə, bədii parça) tətbiq edilən bəzəklərdir.

Sonra müəllim proyektor vasitəsilə Azərbaycanın qədim xalq sənətkarlıq nümunəsi olan xalçalardan bir neçəsini nümayiş etdirir. Yenidən sinfə belə bir sualla müraciət edir:

- Bəs mozaika nədir?

- Uşaqların cavabları dinlənildikdən sonra yenidən proyektor vasitəsilə Şəki Xan sarayının şəkillərini nümayiş etdirir. Şagirdlər oradakı mozaikalara yaxından nəzər yetirirlər.

müəllim:

Mozaika-şablon şəkildə kəsilmiş sadə və mürəkkəb həndəsi formalı xırda material qırıqlarından yığılır və əhəng, sement, mastika, yaxud mum təbəqəsinə bərkidilir.

Müəllim sinfə sual verir:

- Naxışla mozaikanın hansı ümumi və fərqli xassələri var?

Şagirdlərin cavabları dinlənilir.

Lövhədə tədqiqat sualı və şagirdlərin fərziyyələri yazılır.

Tədqiqat sualı: Point proqramında mozaika və naxışları necə hazırlamaq olar?

Müəllim sinfi 4 qrupa bölüb hər qrupa tapşırıq verir.

I qrup.

Mozaika neçə elementdən hazırlanıb?

Rəngləri dəyişdirin.

II qrup.

Point proqramından istifadə edərək rəngləri dəyişdirin və orada hansı riyazi fiqurlardan istifadə olunduğunu, onların sayını söyləyin.

III qrup.

Şəkillərdəki naxış elementlərini müəyyən edin və onları rəngləyin, sayını söyləyin.

IV qrup.

Qrafik redaktorda çəkilmiş şəklin elementlərini müəyyən edin və rəngləyin.

Məlumat mübadiləsi və onların müzakirəsi.

Şagirdlər işlərini təqdim edirlər. Onların tapşırıqları birlikdə müzakirə edilir. Müəllim sinfə belə bir sualla müraciət edir:

- Naxış və mozaikanın fərqi nədədir? Mozaika və naxış elementlərini çəkmək üçün hansı alətlərdən istifadə olunub?

Ümumiləşdirmə və nəticə.

Bu məqsədlə şagirdlərə aşağıdakı kimi suallar təqdim olunur:

- Mozaikaları necə düzəldirlər?

Mozaika düzəltmək üçün əvvəlcə nələri hazırlamaq lazımdır? Bu hissələrə nə deyilir?

Müəllim bu mərhələni yekunlaşdıraraq deyir:

- Point qrafik redaktorunda çox asan yolla mozaika və naxışları yaratmaq olar. Onun üçün mozaikanın bir və bir neçə fiqurunu hazirlamaq lazımdır. Bu fiqurlar mozaikanin elementləri adlanır. Sonra bu elementləri istənilən yerə qoyub onu çoxaldıb, yan-yana düzməklə gözəl bir naxış, maraqlı bir təsvir yaratmaq olar.

Yaradıcı tətbiqetmə:

Point qrafik redaktorunda xalça şəklinin hazırlanması.

Ev tapşırığı:

Xeyransa SADIQOVA,

Ağsu rayonu, Pirhəsənli kənd tam

orta məktəbinin informatika müəllimi

Azərbaycan müəllimi.- 2014.- 7 noyabr.- S.9.