Dünyanın ən yüksək reytinqli

universitetlərində təhsil alan

azərbaycanlı tələbələr

Röya TALIBOVA,

Harvard Universitetinin tələbəsi

1986-cı ildə Bakıda anadan olub. 2003-cü ildə Anadolu Türk Liseyini bitirib. 2007-ci ildə Azərbaycan Dillər Universitetini beynəlxalq münasibətlər və avropaşünaslıq ixtisası üzrə fərqlənmə diplomu ilə bitirərək bakalavr dərəcəsi alıb. Hazırda "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" çərçivəsində Amerika Birləşmiş Ştatlarının Harvard Universitetində beynəlxalq münasibətlər üzrə magistr təhsili alır.

Qara Əli SEYFƏDDİNOĞLU,

Stenford Universitetinin tələbəsi

1983-cü ildə Naxçıvan şəhərində anadan olub. 2000-ci ildə Naxçıvan Türk Liseyini əla qiymətlərlə başa vurub. 2005-ci ildə Türkiyənin Boğaziçi Universitetini siyasət elmi və beynəlxalq münasibətlər ixtisası üzrə başa vuraraq bakalavr dərəcəsi alıb. 2005-2007-ci illərdə ABŞ-ın Corstaun Universitetində Avrasiya və Rusiya üzrə regionşünaslıq ixtisası üzrə magistr təhsili alıb. Hazırda "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" çərçivəsində ABŞ-ın Stenford Universitetində biznesin idarə olunması, iqtisadiyyat və informasiya texnologiyaları ixtisası üzrə magistr təhsili alır.

Vüsal KƏRİMOV,

Yel Universitetinin tələbəsi

1983-cü ildə Naxçıvanda anadan olub. 2000-ci ildə Naxçıvan Türk Liseyini əla qiymətlərlə bitirib. 2005-ci ildə Türkiyənin Ankara Universitetini beynəlxalq münasibətlər ixtisası üzrə bitirərək bakalavr dərəcəsi alıb. 2005-2006-cı illərdə İsveçin Lund Universitetində beynəlxalq siyasət (Avropa siyasəti) ixtisası üzrə magistr təhsili alıb. Hazırda "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" çərçivəsində Amerika Birləşmiş Ştatlarının Yel Universitetində biznesin idarə olunması ixtisası üzrə magistr təhsili alır.

Sənan EMİNOV,

London İmperial Kollecinin tələbəsi

1987-ci ildə Bərdə şəhərində anadan olub. 1994-2000-ci illərdə Bərdə şəhər 3 nömrəli məktəbdə, 2000-2005-ci illərdə Mingəçevir Özəl Türk Liseyində təhsil alıb. O, 2000-ci ildə Ankaradakı Orta Doğu Texniki Universitetinə daxil olub, orada bir il təhsil alandan sonra Almaniyanın Bremen şəhərindəki Yakobs Universitetinə dəvət alıb və 2010-cu ildə həmin universiteti uğurla başa çatdıraraq iki ixtisas üzrə diplom alıb. Hazırda "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" çərçivəsində Böyük Britaniyanın London İmperial Kollecində kimya ixtisası üzrə doktorantura təhsili alır.

Elnur BABAYEV,

Yel Universitetinin tələbəsi

1987-ci ildə Sumqayıtda anadan olub. 2005-ci ildə 23 nömrəli tam orta məktəbi əla qiymətlərlə bitirib. 2011-ci ildə İstanbul Universitetinin Cərrahpaşa tibb fakültəsini həkimlik ixtisası üzrə başa vuraraq baza ali təhsili alıb. 2012-ci ildə Böyük Britaniyanın Oksford Universitetində kliniki embrioloq ixtisası üzrə magistr təhsilini fərqlənmə dərəcəsi ilə başa vurub. Hazırda "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" çərçivəsində Amerika Birləşmiş Ştatlarının Yel Universitetində elmi-tədqiqatçı (ixtisasartırma) ixtisası üzrə təhsil alır.

Şahin ABBASOV,

Kembric Universitetinin tələbəsi

1991-ci ildə Bakıda anadan olub. 2009-cu ildə Bakıdakı 151 nömrəli tam orta məktəbi əla qiymətlərlə başa vurub. 2013-cü ildə Böyük Britaniyanın London Universitetini hüquq ixtisası üzrə bitirərək bakalavr dərəcəsi alıb. 2014-cü ilin noyabrından "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" çərçivəsində Böyük Britaniyanın Kembric Universitetində hüquq ixtisası üzrə magistr təhsili alır.

Cəmil ABDULLAYEV,

London İmperial Kollecinin tələbəsi

1993-cü ildə Bakıda anadan olub. 2011-ci ildə Bakıdakı 219 nömrəli tam orta məktəbi əla qiymətlərlə bitirib. 2011- 2014-cü illərdə London İqtisadiyyat Məktəbinin hüquq fakültəsində bakalavr təhsili alıb. Hazırda "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" çərçivəsində Böyük Britaniyanın London İmperial Kollecində biznesin idarə olunması ixtisası üzrə magistr təhsili alır.

Nərmin TALIBOVA,

London İmperial Kollecinin tələbəsi

1986-cı ildə Bakıda anadan olub. 2004-cü ildə Xarici Dillər Təmayüllü Gimnaziyanı bitirib. 2010-cu ildə Azərbaycan Tibb Universitetini müalicə işi ixtisası üzrə başa vuraraq bakalavr dərəcəsi alıb. Hazırda "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" çərçivəsində Böyük Britaniyanın London İmperial Kollecində pediatriya ixtisası üzrə magistr təhsili alır.

Əsgər CAVADOV,

Oksford Universitetinin tələbəsi

1989-cu ildə Salyan şəhərində anadan olub. 2006-cı ildə Şirvan Özəl Türk Liseyini əla qiymətlərlə bitirib. 2011-ci ildə Qafqaz Universitetini sənaye mühəndisliyi ixtisası üzrə bitirərək bakalavr dərəcəsi alıb. Hazırda "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" çərçivəsində Böyük Britaniyanın Oksford Universitetində kompüter elmləri ixtisası üzrə magistr təhsili alır.

Hazırladı: Oruc MUSTAFAYEV

Azərbaycan müəllimi.- 2014.- 21 noyabr.- S.6.