Ümumi təhsil müəssisələrində ümumi orta təhsil

üzrə xüsusi nümunəli şəhadətnamə almağa

namizəd şagirdlərin müəyyənləşdirilməsi

Qaydası

Azərbaycan Respublikası təhsil nazirinin

01.05.2015-ci il tarixli, 536 nömrəli

əmri ilə təsdiq edilmişdir

1. Bu Qayda “Təhsil haqqında” Azərbaycan Respublikası Qanununun 29.0.20- ci maddəsinə əsasən, Azərbaycan Respublikası Nazirlər Kabinetinin 2010-cu il 29 aprel

tarixli, 82 nömrəli qərarı ilə təsdiq edilmiş “Ümumi təhsil pilləsində təhsil haqqında

dövlət sənədlərinin nümunələri və onların verilməsi Qaydası”nın 2.3-cü bəndinə uyğun

hazırlanmışdır və ümumi təhsil müəssisələrində ümumi orta təhsil üzrə xüsusi nümunəli

şəhadətnamə almağa namizəd şagirdlərin müəyyənləşdirilməsi prosesini tənzimləyir.

2. Ümumi orta təhsil səviyyəsində oxuduğu müddətdə nümunəvi davranışı ilə

fərqlənən, VIII-IX siniflərdə bütün fənlərdən illik, eləcə də buraxılış imtahanlarından

“əla” qiymət alan, ümumi orta təhsil haqqında şəhadətnaməyə yazılan fənlər üzrə yekun

qiymətlərin hamısı “əla” olanlar xüsusi nümunəli şəhadətnamə almağa namizəd

şagirdlər hesab edilir.

3. Xüsusi nümunəli şəhadətnamə almağa namizəd şagird haqqında məsələyə

sinif rəhbərinin təqdimatı əsasında məktəbin pedaqoji şurasında baxılır və müvafiq qərar

qəbul edilir.

4. Məzunlara ümumi orta təhsil haqqında xüsusi nümunəli şəhadətnamə

verilməsi məktəb direktorunun təqdimatı ilə məktəbin tabe olduğu təhsili idarəetmə

orqanının əmri ilə rəsmiləşdirilir.

5. Ümumi orta təhsil haqqında xüsusi nümunəli şəhadətnamə məzunlara

təntənəli şəraitdə təqdim edilir.

6. Bu Qayda buraxılış imtahanlarından azad edilən və evdə fərdi təhsilə cəlb

olunmuş məzunlara şamil edilm

Azərbaycan müəllimi.- 2015.- 9 may.- S.9.