Biologiyadan dərs nümunəsi
Sinif:
VII
Standart:
1.1.2.,1.1.4
Mövzu:
Buğumayaqlılar tipi.Xərçəngkimilər
sinfi
Məqsəd: Xərçəngkimilər, Hörümçəkkimilər, Cücülər sinfini buğumayaqlılar tipinin nümayəndəsi olmasını
bilir.
Xərçəngkimilərin xarici və daxili quruluşunu təsvir edir.
Xərçəngkimilərin müxtəlifliyini tanıyır.
Təlim
nəticəsi: Buğumayaqlıların
müxtəlifliyi və
xərçəngkimilərin quruluşu haqqında mülahizələrini şərh
edir.
İş forması: Bütün
siniflə iş, kiçik qrupla iş
İş üsulları: BİBÖ, beyin həmləsi, ifadəli oxu
İnteqrasiya: Coğrafiya 2.1.7, Azərbaycan
dili 1.2.1, 1.2.2
Resurslar:
Dərslik, İKT, iş
vərəqləri, marker, qələm
Motivasiya:
Şagirdlərə şəkillər təqdim
olunur və bu şəkillərdə
hansı heyvanların
təsvir olunduğu soruşulur. Onlar qurdları artıq tanıdıqlarından yönəldici
suala uyğun bir az məlumat verə bilərlər. Digər siniflərin nümayəndələrini
tanısalar da hansı tipə aid olduğunu bilmirlər.
Elə bu səbəbdən təqdim
olunan heyvan şəkillərindən ümumiləşdirən
tipə aid mövzunu keçəcəklərini cavablandırırlar.(Şəkil1)
Tədqiqat sualı:
Buğumayaqlılar tipinin nümayəndələrinin
həyat tərzi və quruluşu necədir?
Şagirdlərin tədqiqat aparmaları üçün təqdim
olunan cədvəl üzrə cavablar səslənir. (Şəkil2)
Şagirdlər onlara təqdim olunan şəkillər üzrə qruplaşırlar
(“xərçəng”, “hörümçək”,
“cücü”). Bu təsvirləri
onlar dərsi mənimsədikdən sonra
“Öyrəndim” hissəsinə
əlavə edərək
cavablandıra bilərlər.
Buğum-ayaqlılar tipi üç
sinfə bölünür:
xərçəngkimilər, hörümçəkkimilər, cücülər sinfi.
I qrup
İş vərəqi 1
Çay
xərçənginin xarici
quruluşunu təsvir
və müxtəlifliyini
şərh edin (Şəkil3)
II qrup
İş vərəqi 2
Xərçəngkimilər sinfinin həzm, sinir və cinsiyyət
sistemlərinin xüsusiyyətlərini
şərh edin. (Şəkil4)
III qrup
İş vərəqi 3
Xərçəngkimilərin qan-damar, tənəffüs və ifrazat sisteminin xüsusiyyətlərini izah
edin.(Şəkil5)
Məlumat mübadiləsi:
Qruplar öz işlərini təqdim edirlər. Hər qrupa 2-3 dəqiqə
vaxt verilir.
Məlumatın müzakirəsi və mübadiləsi aparılır. Səslənməyən məlumatlar söylənilir.
BİBÖ cədvəlinə
nəzər yetirilir.
Dərs zamanı oyrənilən hissələr əlavə
olunur.
Nəticə və ümumiləşdirmə:
Buğumayaqlılar tipi müxtəlif mühitdə
yaşayır. Çay xərçəngi isə şirin sularda yaşayır.
Bədəni üç hissədən
ibarətdir. Buğumayaqlılar tipinin həzm
sistemi ağız, udlaq, qida borusu,
mədə, bağırsaqlardan
və həzm vəzilərindən ibarətdir.
Qan damar sistemi açıqdır,
əsasən, ürək
və arteriyadan ibarətdir.
Tənəffüs sistemi xərçəngkimilərdə
qəlsəmələrlədir.
İftrazat sistemi bəzi nümayəndəsində malpiqi
borusundan, bəzisində
isə bir cüt yaşıl borudan ibarətdir.
Sinir sistemi həlqəvi qurdlardakı
kimidir, udlaqətrafı
sinir halqasından və qarın sinir zəncirindən təşkil olunmuşdur.
Duyğu orqanları - lamisə, qoxu və ya
dad orqanları da var.
Əhəmiyyəti: Buğumayaqlılar
tipinin həşəratlar
sinfi tozlanmada yaxından iştirak edir.
1. Xərçənglərin xarici
skeleti olduğuna görə qurudulmuş xərçənglər formasını
itirmir;
2. Bu fakt onu göstərir
ki, xərçəngkimilər
müəyyən yaşa
kimi böyüyür,
sonra isə onların ölçüləri
sabit olur.
Yaradıcı tətbiqetmə:
Dərsin
bu mərhələsində
şagirdlərə təqdim
olunan tapşırıq
əsasında qanın
hərəkət ardıcıllığı
təyin olunur
? →
Damarlar? → 12-6
Qəlsəmələr? → 12-6
cavab: ovalşəkilli ürək- damarlar-bədən boşluğu-qəlsəmələr - ürək (xüsusi dəliklərlə).
Ev tapşırığı:
Yaşadığınız ərazidə buğumayaqlılar tipinin hansı növlərinə rast gəlmisiniz. Bu haqda məlumat yazın.
Qiymətləndirmə:
Qiymətləndirmə qruplar üzrə aşağıdakı cədvəl əsasında aparılır.(Şəkil6)
Leyli ƏLİYEVA,
İmişli şəhər A.Eminov adına 7 nömrəli tam orta
məktəbin biologiya müəllimi,
“Tərəqqi” medallı,
“Ən yaxşı
müəllim” müsabiqəsinin qalibi
Azərbaycan müəllimi.- 2017.-
22 aprel.- S.12.