Soyqırım səbəbkarlarının
cəzalandırılması mütləqdir
Birmingem Universitetində
Xocalı faciəsi anılıb
Dünyanın nüfuzlu
universitetlərində təhsil
alan azərbaycanlı
tələbələr akademik
təhsillə yanaşı,
həm də yaşadıqları ölkələrdə Azərbaycan həqiqətlərinin dünya
ictimaiyyətinə çatdırılmasında fəallıq nümayiş etdirirlər. Belə tələbələrimizdən biri də “2007-2015-ci illərdə Azərbaycan gənclərinin
xarici ölkələrdə
təhsili üzrə
Dövlət
Proqramı”
çərçivəsində Böyük Britaniyanın Birmingem Univertsitetində təhsil
alan Məhəmməd
Ağamirzəyevdir. M.Ağamirzəyev
2015-ci ilin dekabrında Birmingem
Universitetində
Azərbaycan Cəmiyyətini təsis edərək hazırda quruma rəhbərlik edir. M.Ağamirzəyevlə əlaqə saxlayaraq
cəmiyyətin Birmingem
Universitetində gördüyü
işlərlə maraqlandıq.
“2015-ci ilin dekabr ayında cəmiyyəti təsis etmiş və bu yolla Azərbaycanda
gedən inkişafın,
tariximizin, adət-ənənələrimizin
və bizə qarşı göstərilmiş
ədalətsizlikərin təbliği
ilə məşğul
olaraq azacıq da olsa, rahatlıq
tapmışam”,-deyə tələbəmiz
bildirir. Cəmiyyətin sədrinin
səyləri ilə universitetin tələbə ittifaqına
məxsus binanın girişində sərgi açılıb, ali məktəbdə təhsil
alan tələbə və müəllimlərə
Xocalı soyqırımı
barədə əsl həqiqətlər
çatdırılıb. Onlara soyqırımını əks etdirən məlumat kitabçaları
paylanıb.
Tədbir zamanı,
əslən fransalı
olan, universitetin Siyasi Elmlər və Beynəlxalq Tədqiqatlar İnstitutunun
mühazirəçisi də
buraya baş çəkərək Xocalı
hadisəsi ilə yaxından tanış
olub. Mühazirəçi baş
vermiş qanlı faciə ilə yaxından tanış
olduqdan sonra təəssüratlarını paylaşıb: “Bu və bu kimi soyqırımların
səbəbkarlarının cəzalandırılması mütləqdir.
Azərbaycana qarşı edilmiş
bu vəhşiliklərin
qarşılığında sizin sülh tərəfdarı olmağınız
böyük müdriklik
göstəricisidir. Ümidvaram ki,
yaxın gələcəkdə
ədalət bərpa
olunar.”
Ziyarətçi tələbələrdən
biri isə nümayiş olunan foto və məlumatlarla
tanış olduqdan
sonra yaxınlaşaraqfaciənin
onu kədərləndirdiyini
bildirib və əlavə edib: “Mən yay tətilində
Bakıda oldum. Sizin şəhəriniz çox
gözəl, camaatı
isə çox istiqanlı və qonaqpərvərdirlər. Bu
cür mehriban bir xalqa qarşı
belə bir vəhşiliyin edilməsini
bilmək insanı daha çox sarsıdır”.
Sərgi zamanı yüzlərlə
məlumat kitabçası
paylanılıb.
Oruc MUSTAFAYEV
Azərbaycan müəllimi.- 2018.- 23 fevral.- S.4.