Doktorantların və gənc tədqiqatçıların XIV Respublika elmi konfransı keçirilib

Bu günlərdə Azərbaycan Dillər Universitetində doktorantların və gənc tədqiqatçıların XIV Respublika elmi konfransı keçirildi. Tədbirdə Təhsil Nazirliyinin nümayəndələri, ali məktəb rektorları, professor - müəllim heyəti, tələbələr və KİV nümayəndəri iştirak edirdilər.

Konfransı giriş sözü ilə təhsil naziri Misir Mərdanov açaraq bildirdi ki,bü günkü konfransın əvvəlki konfranslardan fərqli və üstün cəhətləri çoxdur.Bu il Milli Məclisdə "Təhsil haqqında" yeni Qanun qəbul edilmiş, elm və təhsil sahəsində müxtəlif yeniliklər əmələ gəlmişdir. ölkəmizdə təhsil islahatının uğurla həyata keçirilməsindən söz açan nazir aspirantların və gənc tədqiqatçıların XIII Respublika elmi konfransının nəticələri haqqında ətraflı məlumat verdi. Qeyd etdi ki, Azərbaycan Dövlət İqtisad Universitetinin bazasında keçirilmiş konfransda 300-ə qədər doktorant və gənc tədqiqatçı iştirak etmişdir. Konfransın təşkilat komitəsinin qərarı və bölmə sədrlərinin təklifləri əsasında fəal iştirak etmiş 43 doktorant və gənc tədqiqatçıya Təhsil Nazirliyinin sertifikatları verilmişdir.

Gənc tədqiqatçıların fəaliyyətlərinin genişlənməsinə toxunan təhsil naziri Misir Mərdanov onu da qeyd etdi ki, ali məktəblərdə fəaliyyət göstərən kafedralar bu gün təhsil mərkəzi olmaqla, elmi tədqiqat mərkəzinə çevrilməlidir.

Çıxışının sonunda nazir Misir Mərdanov ən yaxşı elmi işə görə 3 doktoranta noutbuk kompüter hədiyyəsi təqdim etdi və elmi işlə məşğul olan bütün tədqiqatçılara uğurlar arzuladı.

Sonra təhsil nazirinin müavini İradə Hüseynova çıxış edərək konfransın əhəmiyyətindən danışdı və bu cür konfransların Azərbaycan elminin inkişafı yolunda öz töhfələrini verəcəyini qeyd etdi. Nazir müavini məlumat verərək ilk plenar iclasdan sonra konfransın ayrı-ayrı bölmələr üzrə davam edəcəyini tədbir iştirakçılarının nəzərinə çatdırdı. Qeyd etdi ki, bölmə sədrlərinin hesabatları dinlənildikdən sonra konfransın qətnaməsi qəbul olunacaq.

Tədbirdə ADU-nun rektoru, professor Səməd Seyidov, ADPU-nun rektoru, professor Yusif Məmmədov və başqaları da çıxış etdilər.

Ş.CƏFƏROV

Azərbaycan müəllimi.-2009.-18 dekabr.-S.3.