Təhsil işçiləri yüksək
dövlət mükafatları
ilə təltif olundular
Azərbaycan Respublikasının
Prezidenti cənab İlham Əliyevin 14 dekabr 2009-cu il
tarixli Sərəncamları
ilə ölkənin rabitə və informasiya sahəsində çalışan bir sıra şəxslər yüksək dövlət
mükafatları ilə
təltif olunublar. Mükafatlandırılanlar sırasında İKT sahəsində çalışan
təhsil işçiləri
də var. Dövlət
başçısının müvafiq Sərəncamına
əsasən Təhsil
Nazirliyinin Təhsilin idarəolunmasının məlumat
sistemləri şöbəsinin
müdiri İsmayıl
Sadıqov "Tərəqqi"
medalı ilə təltif olunub. Azərbaycan Texniki Universitetinin İnformatika və informasiya texnologiyaları kafedrasının
müdiri Akif Süleymanov, Azərbaycan Dövlət Neft Akademiyasının Kompüter
texnologiyaları və
proqramlaşdırma kafedrasının
müdiri Sabit Kərimov, Bakıdakı
264 nömrəli orta məktəbin informatika müəllimi Mətanət
Əhmədova və akademik Zərifə Əliyeva adına məktəbin informatika və riyaziyyat müəllimi Hayat Axundovaya "Əməkdar
müəllim" fəxri
adı verilib.
Qəzetimizin kollektivi adından mükafatlandırılanların hər birini təbrik edir, onlara yeni-yeni uğurlar arzulayırıq.
Azərbaycan müəllimi.-2009.-18 dekabr.-S.1.