İsmayıllı şəhər 1 nömrəli
orta məktəbi Türkiyədə Azərbaycanı
təmsil edib
Şəhər
1 nömrəli orta məktəbin müəllimləri
Ü.Tahirova, Ş.Nəcəfova, İ.Heydərova və
başqalarının şagirdlərlə birgə
hazırladıqları layihələr artıq beynəlxalq aləmdə
tanınaraq Azərbaycan təhsilinin nailiyyətlərini
dünyaya yayır. Məktəbimizin biologiya müəllimi
"Ən yaxşı müəllim" müsabiqəsinin
qalibi Ü.Tahirovanın əməkdaşlıq etdiyi Burdur Məhmət
Akif Ərsoy Universiteti, ilk və orta okulları
arasındakı əlaqələr bilim şənliyi ilə
bağlı səfər zamanı daha da möhkəmləndi.
Məhmət
Akif Ərsoy Universiteti (MAKU) 2001-ci ildən başlayaraq hər
il bilim şənliyi keçirir. 9 ildən çox davam edən
bilim şənliyi 2 ildir ki, uluslararası xarakter alıb:
şənliyə bu il Quzey Kıprıs Türk Cümhuriyyəti
və Azərbaycandan da qatılanlar oldu. Azərbaycanı təmsil
etmək şərəfi bizə nəsib oldu.
MAKU
Mərkəz Kampus Alanındakı şənlik
açılışına vali İbrahim Özçimən,
bələdiyyə başqanı Sebahattin Akkaya, rektor, professor
Gökyay Yıldız, İl Genəl Məclis Başqanı
İbrahim Ekici, universitet müəllimləri və tələbələr
qatıldı.
Professor
G.Yıldız mərasim iştirakçılarını təbrik
etdi.
Açılışdan
sonra protokol sahibləri ilk olaraq Azərbaycan stantını
ziyarət edərək layihələrlə tanış
oldular. Azərbaycan və Quzey Kıprıs Türk
Gümhuriyyətinin çadırı hər iki dövlətin
bayraqları ilə bəzənmişdi.
Şənlikdə
MAKU-lu öyrəncilərin 98, Azərbaycandan məktəbimizin
şagirdlərinin və Quzey Kıprıs öyrəncilərinin
bir neçə layihəsi yer alırdı.
Məktəbimizin
"Su", "Tülpan", "Mənim ölkəmin
qadınları", "Sehirli sinif" (müəllim
ü.Tahirova, şagirdlər K.Ramazanova, İ.Allahverdiyeva, C.Səlimova
və b.); "Gerund felin şəxssiz forması kimi",
"İngilis və Azərbaycan dillərində ismin hal
kateqoriyası", "Qlobal sinif", "Xalq
nağılları" (müəllim Ş.Nəcəfova,
şagirdlər Aliyə Qənizadə, Nigar İsmayılova,
Şəfəq Mürsəlli və b.) və s. layihələr
maraqla qarşılandı.
Layihələr
məktəbimizin şagirdi Cavidan Səlimova tərəfindən
təqdim olunurdu. O, ermənilərin Azərbaycan xalqına
qarşı zaman-zaman törətdiyi soyqırımını
sərgi iştirakçılarına geniş faktlarla və
fotoalbomla anlatdı.
Türk gəncləri
Azərbaycana, onun tarixi taleyinə, bugünkü təhsilinə,
layihələrinə böyük
maraqla yanaşdılar,
qəlblərindəki Azərbaycan
sevgisini izhar etdilər. Şənlikdə
Eyitim fakültəsi öyrəncilərinin il ərzində praktik dərslərdə hazırladığı
işlər sərgiləndi.
Gənclər günü ilə bağlı Burdurda 19 mayda keçirilən Atatürkün gəncliyə
bağışladığı böyük spor bayramı (şənliyi) öz möhtəşəmliyi
ilə diqqətimizi cəlb etdi.
Məktəbimizin əməkdaşlıq
etdiyi Burdur Bahçəliyevlər ilköyrətim
(direktor Əli özdəmir), Qazi ortaöyrətim (direktor Ayhan Toqat) okulları
ilə də tanışlıq və əlaqələrimiz Türkiyə
təhsili təcrübəsindən
yararlanmağımıza kömək
etdi.
Universitetin müəllimləri bizi Burdurun tarixi abidələri ilə tanış etdilər.
Sevda QASIMOVA
Azərbaycan müəllimi.-2009.-26
iyun.-S.6.