Gimnaziyada konfrans zalı açıldı

Noyabrın 19-da S.C.Pişəvəri adına Respublika Humanitar Fənlər Gimnaziyasında konfrans zalının açılışı oldu.

Tədbirdə gimnaziyanın direktoru Novruz Dəmirov konfrans zalında qoyulmuş kompüter vasitəsilə ekranda gimnaziyanın ümumi fəaliyyəti və qazandığı uğurlar haqqında məlumat verdi.Qeyd olundu ki, "Ən yaxşı ümumtəhsil məktəbi" müsabiqəsinin qalibi olan gimnaziyanın 41 sinfində 1258 şagird təhsil alır.Bu gün onların yaxşı oxumaları üçün hər cür şərait yaradılıb.

Tədbirdə iştirak edən təhsil naziri Misir Mərdanov konfrans zalının tərtibatından razı qaldığını bildirdi. Bir sıra məsələlərə münasibətini bildirən nazir gimnaziya haqqında və pedaqoji kollektivin qarşısında duran vəzifələrdən söz açdı.

Sonda Təhsil Nazirliyinin şöbə müdirlərindən F.Qədirov, A.Əhmədov, F.Şahbazlı və başqalarının çıxışları oldu və gimnaziyanın gələcək fəaliyyəti ilə əlaqədar təkliflər səsləndi.

Şakir CƏFƏROV

Azərbaycan müəllimi.-2009.-20 noyabr.-S.5.