Şagirdlərin İKT-dən istifadə imkanları artır

Bakıdakı 111 nömrəli orta məktəbdə İKT-dən geniş istifadə olunur. Bu da şagirdlərdə informasiyalaşmış cəmiyyətin tələblərinə uyğun zəruri məlumatlarla işləmə bacarıqları və kompüterdən istifadə vərdişlərini xeyli artırır.

Məktəbin direktoru Jalə Hacıyeva bildirir ki, bu gün rəhbərlik etdiyi məktəbdə şagirdlər ilk gündən informatika fənni üzrə kompüter biliklərinə dərindən yiyələnirlər. Xüsusən, I-IV siniflərdə dərs deyən informatika müəllimlərindən Mahirə Salehova və Kəramət Quliyevanın böyük zəhməti sayəsində artıq şagirdlər kompüterdə informasiyaları yaxşı qavrayır, təsvir edir və informasiya daşıyıcıları ilə müstəqil işləyirlər.

İxtisasını ürəkdən sevən bu müəllimlər ilk gündən öz dərslərində yaxşı nailiyyətlər əldə etmək üçün səylə çalışır, şagirdlərinin fəallığını təmin edə bilən müxtəlif metodlar haqqında düşünür və axtarışlar aparırlar.

Şakir CƏFƏROV

Azərbaycan müəllimi.-2009.-16 oktyabr.-S.5.